കരളിന്റെ ആരോഗ്യ കാര്യത്തിൽ വേണ്ടത്ര ശ്രദ്ധ നമ്മളിൽ പലരും കൊടുക്കാത്തതിന്റെ ഫലമാണ് കരൾ രോഗം നമ്മളിൽ പലരേയും വേട്ടയാടുന്നത്. ശരീരത്തിലെ ഏറ്റവും വലിയ ആന്തരാവയവമാണ് കരൾ. കരളിന്റെ ആരോഗ്യത്തെ അവഗണിച്ചാൽ അത് ശരീരത്തെ മൊത്തത്തിൽ പ്രതിസന്ധിയിലാക്കും എന്നതാണ് സത്യം. കരൾ രോഗം ബാധിച്ച് കഴിഞ്ഞാൽ അത് കരളിനെ മാത്രമല്ല ശരീരത്തിന്റെ ഓരോ അവയവങ്ങളെയായി ബാധിക്കാൻ തുടങ്ങുന്നു. കരളിന് പൂർണ നാശം സംഭവിച്ചാൽ പിന്നീട് ജീവൻനിലനിർത്തുക എന്നത് വളരെ പ്രയാസകരമായ ഒരു കാര്യമാണ്.അസാധാരണമായ തൂക്കക്കുറവ്,വയറു വീർക്കൽ,മൂത്രത്തിന്റെ ഇരുണ്ട നിറം,വിശപ്പില്ലായ്മ,രോഗപ്രതിരോധ ശേഷി കുറയൽ,ഡിപ്രഷൻ,അമിത ക്ഷീണം,അമിത വിയർപ്പ് ഉയർന്ന ടെൻഷൻ,ശരീരത്തിൽ ചതവ്,മഞ്ഞ നിറമുള്ള കണ്ണും ചർമ്മവും, ഇതിൽ പറഞ്ഞ ഏതെങ്കിലും ലക്ഷണം തുടർച്ചയായി നിൽക്കുന്നുണ്ടെങ്കിൽ ഉടൻ തന്നെ കൃത്യമായ ചികിത്സ തേടേണ്ടത് അത്യാവശ്യമാണ്.
ശരീരം നമ്മൾക്ക് ഇതിന്റെ ലക്ഷണങ്ങൾ പല മാർഗ്ഗത്തിലൂടെ കാണിച്ച് തരും. അതിൽ തന്നെ ടോയ്ലറ്റിൽ പോകുമ്പോൾ താഴെ പറയുന്ന ഈ ലക്ഷണങ്ങൾ നിങ്ങൾക്ക് ഉണ്ടെങ്കിൽ ഒരു ഡോക്ടറെ കാണിച്ച് വിദഗ്ധ ചികിത്സ തേടുന്നതാണ് ഉചിതം.
കടും മഞ്ഞ നിറത്തിലുള്ള മൂത്രം
സാധാരണ നമ്മളുടെ മൂത്രത്തിന് ചെറിയ മഞ്ഞ നിറം ഉണ്ട്. എന്നാൽ, കരൾ രോഗം നിങ്ങൾക്കുണ്ടെങ്കിൽ നല്ല കടുത്ത നിറത്തിലുള്ള മൂത്രമായിരിക്കും പോവുക.നല്ല കട്ടിയുള്ള കടുത്ത മഞ്ഞ നിറത്തിലുള്ള മൂത്രം വരുന്നുണ്ടെങ്കിൽ ഡോക്ടറെ കാണിക്കാൻ മറക്കരുത്. കൃത്യമായ പരിശോധനകൾ നടത്തി, കരൾ രോഗമാണോ അല്ലയോ എന്ന് ഉറപ്പ് വരുത്തുക.
കടും മഞ്ഞ നിറത്തിലുള്ള വിസർജ്യം
കരൾ രോഗം വന്ന് കഴിഞ്ഞാൽ മൂത്രത്തിന് മാത്രമല്ല, വിസർജ്യത്തിനും നല്ല കടുത്ത മഞ്ഞ നിറമായികരിക്കും ഉണ്ടായിരിക്കുക. തുടർച്ചയായി നിങ്ങൾക്ക് കടും മഞ്ഞ നിറത്തിലുള്ള വിസർജ്യം വരുന്നുണ്ടെങ്കിൽ ഡോക്ടറെ ഉടനെ കാണിക്കുക.
കട്ടിയുള്ള ദ്രാവകം വരിക
മലവിസർജനം നടത്തുമ്പോൾ അതിന്റെ കൂടെ തന്നെ നല്ല കട്ടിയുള്ള ഒട്ടുന്നതും വഴുവഴുപ്പുള്ളതുമായ ദ്രാവകം ഒപ്പം വരുന്നത് നിങ്ങളുടെ കരളിന്റെ അവസ്ഥ മോശമാണ് എന്ന് സൂചിപ്പിക്കുന്നതാണ്.
അൽപ്പം ബ്രൗണായ, മുറിഞ്ഞോ മെലിഞ്ഞോ പോകാത്ത മലശോധനയാണ് ശരിയായത്. ഇത് കുടലിന്റെ ആരോഗ്യകരമായ പ്രവർത്തനത്തെ കാണിക്കുന്നു. വൻകുടലിലും മലാശയത്തിലും മലം കുടുങ്ങി കിടക്കുന്നതിന്റെ സമയം കൂടുന്നതിനനുസരിച്ച് മലത്തിന്റെ നിറം ഇരുണ്ടുവരും. സാധാരണഗതിയിൽ മഞ്ഞ, പച്ച, തവിട്ട് നിറങ്ങളുടെ വകഭേദമായിരിക്കും മലത്തിനുണ്ടായിരിക്കുക രക്തം കലർന്ന മലം മലാശയത്തിൽ അധികസമയം ഇരിക്കുമ്പോഴാണ് കറുത്ത നിറമാകുക. വെളുപ്പ് നിറത്തിലും മലം പുറത്തുവരാം. പിത്തനാളിക്കുണ്ടാകുന്ന പ്രശ്നങ്ങളാകാം ഇതിന് കാരണം. മൂത്രത്തിന്റെ നിറവ്യത്യാസങ്ങൾ പോലെ മലത്തിന്റെ നിറവ്യത്യാസങ്ങളും ശ്രദ്ധിക്കുന്നത് ആരോഗ്യപരിപാലത്തിൽ സഹായകരമാകും.
Discussion about this post