കൊച്ചി : നടന്‍ വിനായകന്‍ പോലീസ് സ്റ്റേഷനില്‍ മദ്യപിച്ച് ബഹളമുണ്ടാക്കിയ കേസില്‍ പ്രതികരണവുമായി നടന്‍ ഹരീഷ് പേരടി. കണ്ണൂരില്‍ പിഴ ചുമത്തിയതിനെ ചൊല്ലി പൊലീസും യുവാവും തമ്മില്‍ നടുറോഡില്‍ തര്‍ക്കമുണ്ടായ വിഷയവുമായി ചേര്‍ത്താണ് ഹരീഷ് പേരടിയുടെ പ്രതികരണം. പാനൂര്‍ ചൊക്ലിയിലെ സനൂപ് സിനിമ നടനല്ലെന്നും വെളുത്തിട്ടുമല്ലെന്നും അയാളുടെ ജാതി ആര്‍ക്കുമറിയില്ലെന്നും ഹരീഷ് പേരടി ഫേസ്ബുക്കില്‍ കുറിച്ചു. പൊലീസിന്റെ ഐഡി ചോദിച്ച സിനിമാ നടനൊടൊപ്പം നില്‍ക്കുന്ന എല്ലാ പുരോഗമന രോമങ്ങളും സനൂപിനെ കണ്ടില്ലെന്ന് നടിച്ചെന്നും ഹരീഷ് പേരടി പറയുന്നു.
ഫേസ്ബുക്ക് പോസ്റ്റിന്റെ പൂര്‍ണ രൂപം :
പാനൂര്‍ ചൊക്ലിയിലെ സനൂപ്.. സിനിമാനടനല്ല … വെളുത്തിട്ടുമല്ല… അയാളുടെ ജാതി ആര്‍ക്കുമറിയില്ല.
ഈ oct 10 ന് അയാള്‍ പോലിസിനോട് ഒരു ചോദ്യം ചോദിച്ചു. സീറ്റ് ബെല്‍റ്റ് ഇടാതെ നിങ്ങള്‍ എങ്ങിനെയാണ് പോലീസ് വാഹനത്തില്‍ യാത്ര ചെയ്യുന്നത് എന്ന്. പോലീസ് കേസ്സുമെടുത്തു.
പോലിസിന്റെ ID ചോദിച്ച സിനിമാനടനൊടൊപ്പം നില്‍ക്കുന്ന എല്ലാ പുരോഗമന രോമങ്ങളും സനൂപിനെ കണ്ടില്ലെന്ന് നടിച്ചു.
അടുത്ത് ജന്‍മത്തിലെങ്കിലും ഒരു സിനിമാനടനാവണം എന്ന് കേരളത്തിലെ ചെറുപ്പക്കാര്‍ ആഗ്രഹിച്ചാല്‍ അത് സംസ്ഥാന പുരസ്‌കാരം കിട്ടാന്‍ വേണ്ടിയല്ല. മറിച്ച് മനുഷ്യാവകാശത്തിനുവേണ്ടിയാണെന്ന് കരുതിയാല്‍ മതി. പ്രശ്‌നം സര്‍ക്കാറും പോലീസ് നയവുമാണ്.
എന്ന് നാടകക്കാരനായ സിനാമാനടന്‍,
ഹരീഷ് പേരടി.
Discussion about this post