സ്ട്രോബറി പഴം ഇഷ്ടമല്ലേ? ജ്യൂസിലും ഐസ്ക്രീമിലും ജാമിലും സ്ട്രോബറി ഫ്ളേവർ ഇഷ്ടപ്പെടുന്നവരാണ് നമ്മളിൽ ഭൂരിഭാഗം പേരും. എന്നാൽ സ്ട്രോബറി കാലുകളെ കുറിച്ച് കേട്ടിട്ടുണ്ടോ? ചർമ്മത്തിന് പുറത്ത് ചെറിയ കറുത്ത കുത്തുകൾ പോലെ കാണപ്പെടാറുണ്ടോ? ഈ ഇരുണ്ട ഡോട്ടുകൾക്ക് സ്ട്രോബെറി വിത്തുകൾ അടുക്കിയിരിക്കുന്നതുമായി സാമ്യമുള്ളതിനാലാണ് ഇതിനെ സ്ട്രോബെറി കാലുകൾ എന്ന് പറയുന്നത്.
ഇതിനെ കോമിഡോൺസ് എന്നും പറയുന്നു. മുടിയുടെ ഫോളിക്കുകളിൽ അല്ലെങ്കിൽ ചർമ്മത്തിലെ ചെറിയ കുഴികളിൽ എണ്ണ, ബാക്ടീരിയ,മൃതകോശങ്ങൾ എന്നിവ അടിയുന്നു. ഇത്തരം അടഞ്ഞ ഫോളിക്കുകളാണ് ബ്ലാക്ഹെഡ്സും, വൈറ്റ് ഹെഡ്സുമായി മാറുന്നത്.
സ്ട്രോബെറി കാലുകൾക്ക് പ്രധാനകാരണം ഷേവിങ് ആണ്. ഷേവിങ്ങോ വാക്സിങോ ചെയ്യുമ്പോൾ ചർമ്മത്തിൽ അസ്വസ്ഥതയും വീക്കവും ഉണ്ടാകുന്നു. ഇത് ഫോളിക്കുകൾ അടയാനും സ്ട്രോബെറി കാലുകൾ ഉണ്ടാകാനും കാരണമാകുന്നു. ചർമ്മത്തിലെ മൃതകോശങ്ങൾ അടിഞ്ഞു ഡെബ്രി ഉണ്ടാകുന്നത് മറ്റൊരു കാരണമാണ്.
ബാക്ടീരിയ അണുബാധ മൂലം ബ്ലാക്ഹെഡ്സും വൈറ്റ് ഹെഡ്സും ഉണ്ടാകുന്നു.ഇത് മുടിയുടെ ഫോളിക്കുകളിൽ അസ്വസ്ഥത ഉണ്ടാക്കുകയും സ്ട്രോബെറി കാലുകൾക്ക് കാരണമാകുകയും ചെയ്യുന്നു. ചർമ്മത്തിൽ അമിതമായി കെരാറ്റിൻ ഉത്പാദനം നടക്കുന്നത് മൂലം ഉണ്ടാകുന്ന അവസ്ഥയാണിത്
ഇതിന് പരിഹാരമായി എക്സ്ഫോലിയേറ്റ് ,മോയിസ്ചയർ, ഷേവിങ് എന്നിവ കൃത്യമായി ചെയ്യണം. അത്യാവശ്യമെങ്കിൽ ചർമ്മരോഗവിദഗ്ധനെ കാണാനും മടിക്കേണ്ട.
എക്സ്ഫോലിയേറ്റ് സ്ക്രബ്ലോ,ബ്രെഷോ ഉപയോഗിച്ച് മൃതകോശങ്ങളെ നീക്കാവുന്നതാണ്. മോയിസ്ചർ ഉപയോഗിച്ച് കാലുകൾ എപ്പോഴും ഈർപ്പമുള്ളതാക്കി വയ്ക്കുന്നത് സ്ട്രോബെറി കാലുകൾ പരിഹരിക്കാൻ മികച്ച മാർഗമാണ്. പതിവായി സ്ട്രോബെറി കാലുകൾ കാണപ്പെടുന്നവർക്ക് എപ്പിലേറ്റർ മികച്ചതാണ്. ഇത് മുടി കൃത്യമായി പിഴുതെടുക്കാൻ സഹായിക്കുന്ന ഒരു ഇലക്ട്രോണിക് ഉപകരണമാണ്.
Discussion about this post