കൊച്ചി: പോലീസ് സംരക്ഷണയിൽ റിലീസായി ‘ ക്ലാസ് -ബൈ എ സോൾജ്യർ’. ഗായകനും നടനുമായ വിജയ് യേശുദാസ്, മീനാക്ഷി എന്നിവരെ പ്രധാന കഥാപാത്രങ്ങളാക്കി പ്ലസ് ടു വിദ്യാർത്ഥിനിയായ ചിന്മയി നായർ സംവിധാനം ചെയ്യുന്ന ചിത്രമാണ് ‘ക്ലാസ്സ് ബൈ എ സോൾജ്യർ’. വിജയ് യേശുദാസ് ചിത്രത്തിൽ സൈനികനായ നായക കഥാപാത്രത്തെ അവതരിപ്പിക്കുന്നു.
കഴിഞ്ഞ ദിവസം ഓൾ കേരള മെൻസ് അസോസിയേഷൻ സിനിമക്കെതിരെ രംഗത്ത് വന്നിരുന്നു. സിനിമയുടെ ട്രെയ്ലറിൽ പുരുഷന്മാരെ അടിക്കാൻ പ്രേരിപ്പിക്കുന്ന തരത്തിലും പുരുഷന്മാരെ തല്ലുന്നതുമായ സീൻ ഉണ്ട്. ഇതിൽ പ്രതിഷേധിച്ചാണ് ഓൾ കേരള മെൻസ് അസോസിയേഷൻ സിനിമയ്ക്ക് എതിരെ രംഗത്ത് എത്തിയിരിക്കുന്നത്. സംഘടനാംഗങ്ങൾ എറണാകുളം വനിതാ തിയേറ്ററിൽ എത്തി സിനിമ കാണുന്നുണ്ട് എന്നറിയിച്ചത് പ്രകാരം അണിയറ പ്രവർത്തകർ സ്റ്റേഷനിൽ നിന്നും സംരക്ഷണം ആവശ്യപ്പെട്ടു. ഇതേ തുടർന്നാണ് പോലീസ് തിയേറ്ററിൽ എത്തിയത്.
കലാഭവൻ ഷാജോൺ, മീനാക്ഷി, ശ്വേത മേനോൻ, ഡ്രാക്കുള സുധീർ, കലാഭവൻ പ്രജോദ്, ഗായത്രി വിജയലക്ഷ്മി, ഡോ. പ്രമീളാദേവി, വിമൽ രാജ്, ഹരി പത്തനാപുരം, ബ്രിന്റാ ബെന്നി, ജിഫ്ന, റോസ് മരിയ, ജെഫ് എസ് കുരുവിള, ഐശ്വര്യ, മരിയ ജെയിംസ്, സജിമോൻ പാറയിൽ, അനുദേവ് കൂത്തുപറമ്പ്, മാധവ് കൃഷ്ണ അടിമാലി, ജയന്തി നരേന്ദ്രനാഥ്, മേഘ ഉത്തമൻ, ലിജോ മധുരവേലി, ധനലക്ഷ്മി തുടങ്ങിയവർ ചിത്രത്തിൽ അണിനിരക്കുന്നു. സ്കൂൾ പശ്ചാത്തലത്തിൽ ഒരുക്കുന്ന സിനിമയുടെ തിരക്കഥ ഒരുക്കിയത് അനിൽ രാജാണ്.
Discussion about this post