മലപ്പുറം: പ്രായപൂർത്തിയാകാത്ത കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ മദ്രസ അദ്ധ്യാപകൻ അറസ്റ്റിൽ. മമ്പാട് പുതുക്കടവ് വീട്ടിൽ മുഹമ്മദ് ഷാക്കിർ എന്ന ഷാക്കിർ ബാഖവിയാണ് അറസ്റ്റിലായത്. 13 വയസ്സുകാരനെയാണ് ഇയാൾ പീഡനത്തിന് ഇരയാക്കിയത്.
ഭീഷണിപ്പെടുത്തിയായിരുന്നു ഇയാൾ കുട്ടിയെ ഉപദ്രവിച്ചിരുന്നത്. നിരവധി തവണ കുട്ടിപീഡനത്തിന് ഇരയായിട്ടുണ്ട്. പീഡനം അസഹനീയമായതോടെ കുട്ടി വിവരം സ്കൂളിലെ അദ്ധ്യാപകരോട് പറയുകയായിരുന്നു. തുടർന്ന് അദ്ധ്യാപകർ പോലീസിൽ പരാതി നൽകി. ഇതിലാണ് ഷാക്കിറിനെ അറസ്റ്റ് ചെയ്തത്.
കുട്ടിയെ ഇയാൾ പീഡിപ്പിച്ചിരുന്നതായി പ്രാഥമിക അന്വേഷണത്തിൽ പോലീസ് കണ്ടെത്തിയിട്ടുണ്ട്. സംഭവത്തിൽ പോലീസ് കുട്ടിയുടെ മൊഴിരേഖപ്പെടുത്തി. ഇയാൾ മറ്റ് കുട്ടികളെയും പീഡനത്തിന് ഇരയാക്കിയിട്ടുണ്ടെന്നാണ് പോലീസ് സംശയിക്കുന്നത്. ഇതിന്റെ അടിസ്ഥാനത്തിൽ പോലീസ് അന്വേഷണം ആരംഭിച്ചു.
ഏഴാംക്ലാസ് മാത്രം വിദ്യാഭ്യാസ യോഗ്യതയുള്ള ഷാക്കിർ പിന്നീട് മതപഠനത്തിലേക്ക് തിരിയുകയായിരുന്നു. അങ്ങനെയാണ് മദ്രസ അദ്ധ്യാപകൻ ആയത്. ഇതിന് പുറമേ ഇയാൾ വിവിധയിടങ്ങളിൽ മതപ്രഭാഷണവും നടത്താറുണ്ട്. നിരവധി സാമൂഹ്യമാദ്ധ്യമ അക്കൗണ്ടുകളാണ് പ്രതിയ്ക്കുള്ളത്. ഇതിൽ ആയിരക്കണക്കിന് ഫോളോവേഴ്സും ഉണ്ട്.
Discussion about this post