വയനാട്: വയനാട് പനമരം ടൗണിന് സമീപം ജനവാസ മേഖലയില് ഇറങ്ങിയ കാട്ടാനക്കൂട്ടത്തെ തുരത്തി വനപാലകര്. മേച്ചേരിയിലെ തോട്ടത്തിലാണ് ആന കൂട്ടങ്ങള് തമ്പടിച്ചിരുന്നത്. നാട്ടുകാരും വനംവകുപ്പ് ഉദ്യോഗസ്ഥരും വളരെ കഷ്ട്ടപ്പെട്ടാണ് കാട്ടാനക്കൂട്ടത്തെ വനമേഖലയിലേക്ക് തുരത്തിയത്.
രണ്ട് ആനകുട്ടികള് ഉള്പ്പെടെയുള്ള എട്ട് കാട്ടാനകളാണ് വനത്തില് നിന്ന് നാട്ടിലേക്ക് ഇറങ്ങിയിരിക്കുന്നത്. കാട്ടാനക്കുട്ടങ്ങളെ വനത്തിലേക്ക് ഓടിക്കാന് ശ്രമിക്കുന്നുണ്ടെന്ന് വനംവകുപ്പ് അറിയിച്ചിരുന്നു. ദാസനക്കര വനമേഖലയില് നിന്നാണ് ആനകള് എത്തിയത്.
ഇന്ന് രാവിലെ പാല് അളക്കാന് എത്തിയ ആളുകളാണ് ആനക്കൂട്ടത്തെ കണ്ടത്. തുടര്ന്ന് വനംവകുപ്പിനെ വിവരമറിയിക്കുകയായിരുന്നു. വനംവകുപ്പ് ഉടന് തന്നെ സ്ഥലത്തെത്തി. ആനകള് വനത്തിലേക്ക്് തിരിച്ചുപോവും എന്ന് വിചാരിച്ച് ഇവയെ ഓടിക്കാതിരുന്നിരുന്നു. എന്നാല് ആനകള് സ്വമേധയാ കാട്ടിലേക്ക് തിരിച്ചുപോകാത്തതിനാല് പടക്കം പൊട്ടിക്കുകയായിരുന്നു.എന്നാല് പടക്കത്തിന്റെ ശബ്ദം കേട്ടതോടുകൂടി ആനകള് വന്ന ഭാഗത്തേക്ക് തന്നെ രണ്ട് കൂട്ടമായി തിരിഞ്ഞുപോയി. ഇവ കാടുകയറിയെന്ന് ഉറപ്പില്ലാത്തതിനാല് വനംവകുപ്പ് സ്ഥലത്ത് തമ്പടിച്ചിരിക്കുകയായിരുന്നു. ഇന്നലെ രാത്രി മുതല് ആനക്കൂട്ടങ്ങള് ഇവിടെ എത്തിയിരുന്നതായാണ് നാട്ടുകാര് പറയുന്നത്.
Discussion about this post