ന്യൂഡല്ഹി: ഇന്ത്യ 75-ാം റിപ്പബ്ലിക് ദിനം ആഘോഷിക്കുന്ന വേളയില് രാജ്യത്തെ ജനങ്ങള്ക്ക് റിപ്പബ്ലിക് ദിനാശംസകള് നേര്ന്ന് ഫ്രഞ്ച് പ്രസിഡൻ്റ് ഇമ്മാനുവല് മാക്രോൺ. ഇന്ത്യയോടൊപ്പം റിപ്പബ്ലിക് ദിനം ആഘോഷിക്കാന് കഴിഞ്ഞതിൽ സന്തോഷമുണ്ടെന്ന് അദ്ദേഹം വ്യക്തമാക്കി.
പ്രധാനമന്ത്രി നരേന്ദ്ര മോദിയെ പ്രിയപ്പെട്ട സുഹൃത്തേ എന്ന് അഭിസംബോധന ചെയ്തുകൊണ്ടാണ് അദ്ദേഹം തന്റെ സന്തോഷം ട്വിറ്ററിലൂടെ പങ്കുവച്ചത്.
എന്റെ പ്രിയപ്പെട്ട സുഹൃത്ത് നരേന്ദ്ര മോദി, ഇന്ത്യയിലെ ജനങ്ങള്, നിങ്ങളുടെ റിപ്പബ്ലിക് ദിനത്തില് ഊഷ്മളമായ ആശംസകൾ നേരുന്നു. നിങ്ങളോടൊപ്പം ഉള്ളതില് അഭിമാനവും സന്തോഷവും തോന്നുന്നു. നമുക്ക് ആഘോഷിക്കാം’- ഫ്രഞ്ച് പ്രസിഡൻ്റ് ട്വിറ്ററില് കുറിച്ചു. പ്രധാനമന്ത്രി നരേന്ദ്ര മോദിയോടൊപ്പമുള്ള ചിത്രവും അദ്ദേഹം ട്വിറ്ററിലൂടെ പങ്കുവച്ചിട്ടുണ്ട്.
ഇന്നലെയാണ് റിപ്പബ്ലിക് ദിനത്തില് പങ്കെടുക്കാൻ ഫ്രഞ്ച് പ്രസിഡൻ്റ് ഇന്ത്യയില് എത്തിയത്. 75-ാം റിപ്പബ്ലിക് ദിന ആഘോഷത്തിന്റെ മുഖ്യ അതിഥിയാണ് അദ്ദേഹം.
Discussion about this post