ഒട്ടാവ: കാനഡയിൽ കുർബാനയ്ക്കിടെ നിസ്കാര പായ വിളിച്ച് അള്ളാഹു അക്ബർ വിളിച്ച ഇസ്ലാമിക മതവിശ്വാസിയുടെ പ്രവർത്തി പരിഭ്രാന്തി പരത്തി. കാനഡയിലെ ക്യൂബക്കിലെ കത്തോലിക്ക ദേവാലയത്തിലാണ് സംഭവം. അൾജീരിയൻ വംശജനായ നബീല്ഡ അബ്സി എന്നയാളാണ് പരിഭ്രാന്തി പരത്തിയത്.
കുർബാന നടക്കുന്നതിനിടെ നിസ്കാരപായയുമായി എത്തിയ ഇയാൾ കൂസലൊന്നും ഇല്ലാതെ ആളുകളുടെ ഇടയിലേക്ക് ചെന്ന് നിസ്കരിക്കുകയും അള്ളാഹു അക്ബറെന്ന് വിളിക്കുകയുമായിരുന്നു. ഒരു നിമിഷത്തേക്ക് ഭീകരാക്രമണമാണ് സംഭവിക്കാൻ പോകുന്നതെന്ന് കരുതി പോയെന്ന് ആ സമയം ദേവാലയത്തിലുണ്ടായിരുന്ന ക്രൈസ്തവ വിശ്വാസി പറയുന്നു.
നിസ്കാരം കഴിഞ്ഞ് ഇയാൾ തിരികെ പോയി. കാനഡയിലെ പാർലമെന്റ് അംഗങ്ങൾ സഭാ കുർബാന തടസ്സപ്പെടുത്തിയ വ്യക്തിയുടെ നടപടിയെ അപലപിച്ചതായി ദേശീയമാദ്ധ്യമങ്ങൾ റിപ്പോർട്ട് ചെയ്യുന്നു. മതനിന്ദയെന്നാണ് പലരും ഇയാളുടെ പ്രവർത്തിയെ വിമർശിച്ചത്.
Discussion about this post