മോസ്‌കോ: ആരോഗ്യരംഗത്തെ വിപ്ലവകരമായ ഏടിന് തുടക്കമിടാൻ ഒരുങ്ങി റഷ്യ. കാൻസർ ചെറുക്കുന്ന വാക്‌സീനുകളും പ്രതിരോധ മരുന്നുകളും വികസിപ്പിക്കുന്നതിൽ റഷ്യൻ ശാസ്ത്രജ്ഞർ വിജയത്തോടടുക്കുകയാണെന്ന് പ്രസിഡന്റ് വ്‌ലാഡിമിർ പുട്ടിൻ അറിയിച്ചു. ഇതു താമസിയാതെ രോഗികൾക്ക് ലഭ്യമാക്കുമെന്നും പുടിൻ പ്രഖ്യാപിച്ചു. ഏത് തരത്തിലുള്ള ക്യാൻസറിനെയാണ് നിർദ്ദിഷ്ട വാക്‌സിനുകൾ ലക്ഷ്യമിടുന്നതെന്നോ എങ്ങനെയെന്നോ പുടിൻ വ്യക്തമാക്കിയിട്ടില്ല.കാൻസർ വാക്‌സിനുകൾ വികസിപ്പിക്കാൻ നിരവധി രാജ്യങ്ങൾ പരിശ്രമിക്കുമ്പോൾ, ഏതെങ്കിലും തലത്തിലുള്ള ഒരു രാജ്യം ഇത്തരമൊരു ധീരമായ അവകാശവാദം ഉന്നയിക്കുന്നത് ഇതാദ്യമാണ്.
സെർവിക്കൽ കാൻസർ ഉൾപ്പെടെ ചില അർബുദങ്ങൾക്കു കാരണമാകുന്ന ഹ്യൂമൻ പാപ്പിലോമ വൈറസിനെതിരെ 6 അംഗീകൃത വാക്‌സീനുകൾ ഇന്നു ലോകത്തുണ്ട്. കരളിൽ അർബുദത്തിനു കാരണമാകുന്ന ഹെപ്പറ്റൈറ്റിസ് ബി രോഗത്തിനും വാക്‌സീൻ ലഭ്യമാണ്.
യുകെയിൽ, ടോറി ഗവൺമെന്റ് കഴിഞ്ഞ വർഷം ജർമ്മനി ആസ്ഥാനമായുള്ള ബയോഎൻടെക്കുമായി ‘വ്യക്തിപരമാക്കിയ കാൻസർ ചികിത്സകൾ’ ലഭ്യമാക്കുന്ന ക്ലിനിക്കൽ ട്രയലുകൾ ആരംഭിക്കുന്നതിനായി ഒരു കരാർ ഒപ്പുവച്ചിരുന്നു, 2030-ഓടെ 10,000 രോഗികളിൽ എത്തിച്ചേരാനാണ് ഇത് ലക്ഷ്യമിടുന്നത്.
Discussion about this post