ന്യൂഡൽഹി: പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ തിരഞ്ഞെടുപ്പ് യോഗം ചേർന്നു. ബിജെപി. വരാനിരിക്കുന്ന ലോക്സഭാ തിരഞ്ഞെടുപ്പ് പ്രവർത്തനങ്ങൾ ചർച്ച ചെയ്യാനാണ് പാർട്ടി യോഗം ചേർന്നത്. അടുത്ത അഞ്ച് വർഷത്തേക്കുള്ള വിശദമായ പ്രവർത്തന പദ്ധതിക്ക് അന്തിമരൂപം നൽക്കുകയും ചെയ്തു. രാവിലെ ആരംഭിച്ച യോഗം 12 മണിക്കൂറിന് ശേഷമാണ് പിരിഞ്ഞത്.
വിജയിച്ചതിന് ശേഷം നമ്മൾ വീണ്ടും കാണുമെന്ന് യോഗത്തിൽ സംസാരിക്കുന്നതിനിടെ പ്രധാനമന്ത്രി കേന്ദ്രമന്ത്രിമാരോട് പറഞ്ഞു. പൊതുവേദികളിൽ സംസാരിക്കുമ്പോൾ ജാഗ്രത പാലിക്കുകയും ജനങ്ങളുടെ വാക്കുകൾ ശ്രദ്ധാപൂർവ്വം പരിഗണിക്കുകയും വേണം. വിവാദപരമായ പ്രസ്താവനകൾ ഒഴിവാക്കണമെന്നും അദ്ദേഹം കൂട്ടിച്ചേർത്തു.
തിരഞ്ഞെടുപ്പിൽ ജനപിന്തുണ നേടുന്നതിന് എല്ലാവരോടും പ്രചാരണത്തിന് ഇറങ്ങണമെന്ന് പ്രധാനമന്ത്രി ആവശ്യപ്പെട്ടു. അടുത്ത അഞ്ച് വർഷത്തേക്ക് വേണ്ടിയുള്ള പ്രവർത്തന പദ്ധതിയെക്കുറിച്ചുള്ള നിർദേശങ്ങൾ ബിജെപി നേതാക്കൾ യോഗത്തിൽ പങ്കുവച്ചു. കേന്ദ്രമന്ത്രിമാരായ അശ്വിനി വൈഷ്ണവ്, ഹർദീപ് പുരി, കിരൺ റിജിജു, അർജുൻ മേഘ്വാൾ, പിയൂഷ് ഗോയൽ എന്നിവരും യോഗത്തിൽ നിർദ്ദേശങ്ങൾ അവതരിപ്പിച്ചു. ഇതെല്ലാം പ്രധാനമന്ത്രി അംഗീകരിച്ചു
