ഇടുക്കി: ചേറ്റുകുഴിയിൽ വാഹനാപകടത്തിൽ ആറ് വയസ്സുകാരിയ്ക്ക് ദാരുണാന്ത്യം. കമ്പംമെട്ട് കാട്ടേഴത്ത് എബിയുടെ മകൾ ആമിയാണ് മരിച്ചത്. അപകടത്തിൽ അഞ്ച് പേർക്ക് പരിക്കേറ്റു.
രാവിലെ ഏഴ് മണിയോടെയായിരുന്നു സംഭവം. ആമിയും കുടുംബവും സഞ്ചരിച്ച കാറും കെഎസ്ആർടിസി ബസും തമ്മിൽ കൂട്ടിയിടിയ്ക്കുക ആയിരുന്നു. മലയാറ്റൂർ തീർത്ഥാടനം കഴിഞ്ഞ് കാറിൽ മടങ്ങുകയായിരുന്നു കുടുംബം. ഇതിനിടെയായിരുന്നു കെഎസ്ആർടിസി ബസ് കാറിൽ ഇടിച്ചത്.
എബിയുടെ ബന്ധുക്കളാണ് കാറിലുണ്ടായിരുന്നത്. അപകടത്തിൽ എബിയിക്കും സാരമായി പരിക്കേറ്റിട്ടുണ്ട്. ഇയാളഴുടെ നില ഗുരുതരമാണ്. എബിയുടെ പിതാവ് തങ്കച്ചൻ, അമ്മ മോളി, ഭാര്യ അമ്മു, മൂന്ന് വയസ്സുള്ള കുട്ടി എന്നിവരാണ് വാഹനത്തിൽ ഉണ്ടായിരുന്നത്. ഇവരുടെ പരിക്ക് ഗുരുതരമല്ല. ഇടിയുടെ ആഘാതത്തിൽ വാഹനത്തിന്റെ മുൻവശം പൂർണമായും തകർന്നു.
