ഒരുകാലത്ത് യുവാക്കളെ ഹരം കൊള്ളിച്ച ചിത്രമാണ് അനിയത്തി പ്രാവ്. ഫാസിലിന്റെ സംവിധാനത്തിൽ ഇറങ്ങിയ എവർ റൊമാന്റിക്ക് ചിത്രം ഒരു ട്രെൻഡ് സെറ്റർ ആയി മാറിയപ്പോൾ കുഞ്ചാക്കോ ബോബനെന്ന എവർ ചോക്ലേറ്റ് ഹീറോയെ കൂടിയാണ് മലയാളികൾക്ക് കിട്ടിയത്.
1997 മാർച്ച് 26നാണ് അനിയത്തി പ്രാവ് ഇറങ്ങിയത്. സിനിമ ഇറങ്ങി 27 വർഷങ്ങൾ പിന്നിട്ട ദിവസം രമേഷ് പിഷാരടി പങ്കുവച്ച ഒരു പോസ്റ്റും അതിന് കുഞ്ചാക്കോ ബോബൻ നൽകിയ മറുപടിയും ഇപ്പോൾ സോഷ്യൽ മീഡിയയിൽ വൈറലാകുകയാണ്.
‘ചാക്കോച്ചൻ വന്നു കമന്റിട്ടാൽ അനിയത്തിപ്രാവ് ഒന്നൂടെ കാണും… 27 Years of Aniyathipravu’ എന്നാണ് രമേഷ് പിരാടി ഇൻസ്റ്റഗ്രാമിൽ കുറിച്ചത്. കുഞ്ചാക്കോ ബോബൻ ഇതിന് മറുപടിയും നൽകിയിട്ടുണ്ട്. ‘പോയി കാണൂ…കാണൂ…’ എന്നാണ് ചാക്കോച്ചൻ മറുപടി നൽകിയിരിക്കുന്നത്. നിരവധി താരങ്ങൾ പോസ്റ്റിന് കമന്റ് ചെയ്തിട്ടുണ്ട്.
‘പിഷാരടി കമന്റിട്ടാൽ കപ്പലു മുതലാളി കാണാമെന്നാണ് ഒരാളുടെ കമന്റ്. ഇതിന് ‘കാണൂ’ എന്ന് പിഷാരടി മറുപടി നൽകിയിട്ടുണ്ട്. ‘അനിയത്തിപ്രാവ് കമന്റിട്ടാൽ ചാക്കോച്ചനെ ഒന്നൂടെ കാണും’ എന്നാണ് രാജ് കലേഷിന്റെ കമന്റ്. വിജയ് യേശുദാസ്, ആർജെ മിഥുൻ എന്നിവരും പോസ്റ്റിന് കമന്റ് ഇട്ടിട്ടുണ്ട്.
Discussion about this post