ഇന്ത്യയുടെ ഇതിഹാസ നായികയായി സിനിമാ ലോകം വാഴ്ത്തിയ താരമാണ് ശർമിള ടാഗോർ. ഇന്ത്യൻ സിനിമാ ചരിത്രത്തിലെ അതികായരിൽ ഒരാളായ സത്യജിത്ത് റായിയുടെ അപുർ സൻസാർ എന്ന ചിത്രത്തിലൂടെയാണ് ശർമിള ടാഗോർ സിനിമാ ലോകത്തെത്തിയത്. അപുർ സൻസാറിൽ തനിക്ക് കിട്ടിയ ആദ്യ ശമ്പളത്തെ കുറിച്ച് ശർമിള വെളിപ്പെടുത്തിയിരുന്നു. ഇതാണ് ഇപ്പോൾ ചർച്ചയാകുന്നത്.
5000 രൂപയാണ് ശർമിളയ്ക്ക് സിനിമയ്ക്ക് വേണ്ടി കിട്ടിയ ആദ്യ പ്രതിഫലം. ഇതിനോടൊപ്പം സത്യജിത്ത് റായി തനിക്ക് വാച്ചും സാരിയും സമ്മാൃനമായി നൽകിയിരുന്നതായി ശർമിള പറഞ്ഞിരുന്നു. ഈ പ്രതിഫലം താൻ എങ്ങനെയാണ് ചിലവഴിച്ചതെന്നും താരം വെളിപ്പെടുത്തിയിട്ടുണ്ട്.
ചെറുപ്പത്തിലേ പണം സമ്പാദിച്ച താൻ ആ പണം ചിലവഴിച്ചിരുന്നു. ജ്വല്ലറിയിൽ പോയി നെക്ലേസ് ഉൾപ്പെടെയുള്ള ആഭരണങ്ങൾ വാങ്ങുകയും ചെയ്തിരുന്നു. അന്ന് വില കുറവായിരുന്ന സമയമായിരുന്നു. അതിനാൽ, തന്നെ കുറവ് പണം മാത്രമാണ് ചിലവഴിച്ചതെന്നും ശർമിള പറയുന്നു.
തുടക്ക കലത്തിൽ ഹിന്ദിയിൽ പതിനായിരം രൂപ മുതൽ തനിക്ക് പ്രതിഫലം ലഭിച്ചിരുന്നു. അക്കാലത്ത് 15000 രൂപയാണ് ഹിന്ദി സിനിമയിലെ പ്രതിഫലം. എന്നാൽ, അരങ്ങേറ്റത്തിൽ 25000 രൂപ വരെ കിട്ടിയിട്ടുണ്ട്. മുംബൈയിൽ തനിക്ക് വീടില്ലാത്തതുകൊണ്ട് താജ് ഹോട്ടലിൽ ആണ് താമസിച്ചിരുന്നത്. പിന്നീട് അവിടെ മൂന്ന് ലക്ഷത്തിന് വീട് വാങ്ങി. അത്രയും പണം സമ്പാദിക്കാൻ താൻ ഒരുപാട് കഷ്ടപ്പെട്ടിട്ടുണ്ടെന്നും താരം പറയുന്നു.
Discussion about this post