മലയാള സിനിമകളുടെ സുവർണ കാലഘട്ടമാണ് ഇപ്പോൾ. മലയാളം സിനിമകളിൽ കോടി ക്ലബ്ബുകളൊക്കെ ഇപ്പോൾ കയ്യെത്തും ദൂരത്താണ്. നൂറും കടന്ന് 200 കോടി എന്ന ഖ്യാതിയും മലയാളത്തിന് സ്വന്തമായിരുന്നു.
വലിയ ഹൈപ്പൊന്നും കൊടുക്കാതെ സൈലന്റ് ആയി വന്ന് ബോക്സ് ഓഫീസ് തൂത്തു വാരിയ ചിത്രമാണ് പ്രേമലു. മലയാളത്തിൽ കൂടാതെ മറ്റ് ഭാഷകളിലും പ്രേമലു വമ്പൻ ഹിറ്റടിച്ചിരുന്നു. നസ്ലെൻ മമിത ബൈജു ജോഡിയിൽ ഇറങ്ങിയ ചിത്രത്തിന് മറ്റ് തമിഴിലും തെലുങ്കിലുമെല്ലാം വലിയ സ്വീകാര്യതയാണ് കിട്ടിയത്.
കഴിഞ്ഞ ദിവസം ചിത്രം ഒടിടിയിലും എത്തിയിരുന്നു. ഡിസ്നി പ്ലസ് ഹോട്സ്റ്റാറിൽ സ്ട്രീമിംഗ് തുടരുന്ന ചിത്രത്തിന് മികച്ച പ്രതികരണമാണ് കിട്ടിക്കൊണ്ടിരിക്കുന്നത്. എല്ലാവരും കാത്തിരുന്ന ചിത്രത്തിന്റെ ഫൈനൽ കളക്ഷനെ കുറിച്ചുള്ള വിവരങ്ങളും ഇപ്പോൾ പുറത്തു വന്നിട്ടുണ്ട്. പ്രമുഖ ട്രേഡ് അനലിസ്റ്റുകളുടെ റിപ്പോർട്ട് പ്രകാരം 135.9 കോടിയാണ് ചിത്രം നേടിയത്.
കേരളം – 62.75 കോടി
AP / TS – 13.85 കോടി
തമിഴ്നാട് – 10.43 കോടി
കർണാടക – 5.52 കോടി
റസ്റ്റ് ഓഫ് ഇന്ത്യ – 1.1 കോടി
ടോട്ടൽ ഇന്ത്യ കളക്ഷൻ – 93.65 കോടി
