തായ്‌പേയ് :തായ്‌വാൻ തലസ്ഥാനത്ത് തുടർച്ചയായി വൻ ഭൂചലനങ്ങൾ . കിഴക്കൻ കൗണ്ടിയായ ഹുവാലീനിൽ തിങ്കളാഴ്ച രാത്രിയും ചൊവ്വാഴ്ച പുലർച്ചെയുമായി എൺപതോളം ഭൂചലനങ്ങളാണ് അനുഭവപ്പെട്ടത്. ഹുവാലിയനിൽ രേഖപ്പെടുത്തിയ 6.3 തീവ്രത രേഖപ്പെടുത്തിയ ഭൂചലനമാണ് ഏറ്റവും ശക്തമായതെന്ന് സെൻട്രൽ വെതർ അഡ്മിനിസ്ട്രേഷൻ അറിയിച്ചു.
കെട്ടിടങ്ങൾക്ക് ചെറിയ കേടുപാടുകൾ മാത്രമേ റിപ്പോർട്ട് ചെയ്യപ്പെട്ടിട്ടുള്ളൂ. എന്നിരുന്നാലും, ഭൂകമ്പത്തിൽ ഹുവാലിയൻ നഗരത്തിലെ ഒരു ഹോട്ടൽ ഭാഗികമായി തകർന്നു. ഈ മാസം ആദ്യം ഉണ്ടായ ഭൂകമ്പത്തെത്തുടർന്ന് ഇത് നവീകരണത്തിലായിരുന്നതിനാൽ ആ സമയത്ത് ആരും ഉണ്ടായിരുന്നില്ല. ഭൂകമ്പത്തിൽ ആളപായമൊന്നും ഇതുവരെ രേഖപ്പെടുത്തിയിട്ടില്ല.
തായ്വാനിൽ 25 വർഷത്തിനിടയിലെ ഏറ്റവും ശക്തമായ ഭൂകമ്പം രേഖപ്പെടുത്തിയത് ഏപ്രിൽ 3-നായിരുന്നു. 7.2 തീവ്രത രേഖപ്പെടുത്തിയ ഭൂചലനത്തിൽ 14 പേർ മരിച്ചിരുന്നു. അതിൽ നൂറുകണക്കിന് തുടർചലനങ്ങളും ഉണ്ടായിരുന്നു.
Discussion about this post