നടുറോഡിൽ പെൺകുട്ടികൾ തമ്മിൽ പൊരിഞ്ഞ അടി. റോഡിൽ കിടന്നും മറിഞ്ഞുമാണ് നാല് പൊൺകുട്ടികൾ രണ്ടിടത്തായി കിടന്ന് അടിയുണ്ടാക്കിയത്. നോയിഡയിലാണ് സംഭവം. അടിയുടെ വീഡിയോ ഏതായാലും സമൂഹമാദ്ധ്യമങ്ങളിൽ വൈറലായിട്ടുണ്ട്.
നാല് പെൺകുട്ടികൾ റോഡിൽ റോഡിൽ കിടന്ന് വഴക്കിടുന്നത് വീഡിയോയിൽ കാണാം. അടിയുണ്ടാക്കുന്നവരെ പിടിച്ചു മാറ്റാൻ പോലും തയ്യാറാവാതെ നിൽക്കുന്ന പോലീസുകാരനെയും വീഡിയോയിൽ കാണുന്നുണ്ട്. പെൺകുട്ടികൾ പരസ്പരം പിടിച്ചു തള്ളുകയും മുടിക്കു പിടിച്ച് വലിക്കുകയും ചെയ്യുന്നുണ്ട്.
പെൺകുട്ടികൾ റോഡിൽ വഴക്കിടുന്നതിനിടെയാണ് രണ്ട് പോലീസുകാർ ബൈക്കിലൂടെ വരുന്നത്. അതിലൊരാൾ ഇറങ്ങി വന്ന് എന്താണ് സംഭവമെന്ന് നോക്കുന്നുണ്ട്. എന്നാൽ പോലീസുകാരൻ ഇതിൽ ഇടപെടുന്നില്ല.
സംഭവം വൈറലായതോടെ പോലീസിനെ വിമർശിച്ച് നിരവധി പേർ രംഗത്തെത്തിയിട്ടുണ്ട്. അധികൃതർ എന്ത് ചെയ്യുകയാണ്, എന്തുകൊണ്ടാണ് പോലീസുകാർ ഇവരെ പിടിച്ചു മാറ്റാത്തത് എന്നെല്ലാം കമന്റുകൾ വന്നിട്ടുണ്ട്.
അതേസമയഗ, ഇൻസ്റ്റഗ്രാമിലെ റീൽസിന് വന്ന കമന്റുകളുടെ പേരിലാണ് പെൺകുട്ടികൾ വഴക്കിട്ടതെന്നാണ് വിവരം. റീൽസിനെ ചൊല്ലി ഇരു കൂട്ടരും തമ്മിൽ വഴക്കുണ്ടായിരുന്നു. തുടർന്ന് നോയിഡയിലെ ബയോ ഡൈവേഴ്‌സിറ്റി പാർക്കിൽ വച്ച് കാണാമെന്ന് തീരുമാനിച്ചു. നേരിൽ കണ്ട ഇവർ തമ്മിൽ വാക്കേറ്റമുണ്ടാവുകയും ഇത് കയ്യേറ്റത്തിൽ കലാശിക്കുകയുമായിരുന്നു.
Discussion about this post