തിരുവനന്തപുരം: സംസ്ഥാനത്ത് സ്വർണവിലയിൽ മാസാദ്യം തന്നെ ഇടിവ്. ഇന്ന് പവന് 800 രൂപയാണ് കുറഞ്ഞത്. ഇതോടെ ഇന്നത്തെ സ്വർണവില 52,440 രൂപയായി. ഗ്രാമിന് 100 രൂപ താഴ്ന്ന് 6500 രൂപയായി.
കഴിഞ്ഞ രണ്ട് ദിവസമായി പവന് 53,240 രൂപയിലായിരുന്നു വ്യാപരം നടന്നിരുന്നത്. ഗ്രാമിന് 6655 രൂപയായിരുന്നു കഴിഞ്ഞ രണ്ട് ദിവസങ്ങളിലെ വില. ആഗോള വിപണികളിൽ സ്വർണത്തിന് ഇടിവ് സംഭവിച്ചിട്ടുണ്ട്. ഈ ഇടിവാണ് ഇപ്പോഴത്തെ സ്വർണവിലയിലെ ഇടിവിന് കാരണം. സീസൺ അവസാനിച്ചതും സ്വർണവില കുറയാൻ കാരണമായിട്ടുണ്ട്.
ആഗോള വിപണിയിൽ സ്വർണം ഔൺസിന് 2,283.07 ഡോളറിലാണ് വ്യാപാരം നടക്കുന്നത്. നിങ്ങൾ ഒരു ആഭരണ പ്രിയരാണെങ്കിലും വിവാഹങ്ങൾ അടുത്തിരിക്കുകയാണെങ്കിൽ ഇപ്പോൾ ബുക്കിംഗുകൾ നടത്തുന്നത് നല്ലതാണ്. വില ഉയരുകയാണെങ്കിൽ ഇന്നത്തെ വിലയിലും കുറയുന്ന പക്ഷം കുറഞ്ഞ വിലയിലും നിങ്ങൾക്ക് സ്വർണം വാങ്ങാം.
