അച്ഛനും അമ്മയുമാകുക.. കുഞ്ഞിനെ ഓമനയ്ക്കുക എന്തൊക്കെ നമ്മളിൽ ഭൂരിഭാഗവും ആഗ്രഹിക്കുന്ന കാര്യമാണ്. എന്നാൽ രാത്രികളിൽ കുഞ്ഞുങ്ങൾ നിർത്താതെ കരച്ചിൽ തുടങ്ങുന്നതോടെ പരമാനന്ദം മാറും, കുഞ്ഞിന്റെ കരച്ചിൽ പലപ്പോഴും നമ്മളെ ആശങ്കയിലാഴ്ത്തും. കരച്ചിൽ മാത്രമാണ് ഇവരുടെ ആശയവിനിമയഉപാധി എന്നതിനാൽ എന്തിനാണ് എന്റെ പൊന്ന് കരയുന്നതെന്നോർത്ത് സങ്കടപ്പെടും. വിശപ്പ്, വേദന എന്നിവ അറിയിക്കാനും അമ്മയുടെ സാമീപ്യം ആവശ്യപ്പെടാനും മൂത്രത്തുണിയിലെ ഈർപ്പം മൂലമുള്ള അസ്വസ്ഥതകൾ അറിയിക്കാനും അവർ കരച്ചിലിനെയാണ് ആശ്രയിക്കുക. ഉറക്കം വരുമ്പോഴും ഉറങ്ങിയെഴുന്നേൽക്കുമ്പോഴും ചെറിയ കുട്ടികൾ കരയുന്നത് സ്വഭാവികമാണ്.
ചേർത്ത് പിടിക്കുമ്പോൾ കുഞ്ഞ് തലതിരിച്ച് അമ്മയുടെ കൈകളിലേക്ക് നോക്കുകയാണെങ്കിൽ കുഞ്ഞിന് വിശക്കുന്നുവെന്നും ആഹാരം ആവശ്യമാണെന്നുമുള്ള സൂചനയായി മനസിലാക്കാം.
കൈകൾ കുടിക്കുന്നതും വിശപ്പിന്റെ ലക്ഷണമായേക്കാം. ഇത്തരം സൂചനകൾ അമ്മയ്ക്ക് മനസ്സിലായില്ലെങ്കിൽ കുഞ്ഞ് ഉടൻ കരച്ചിൽ ആരംഭിക്കും. കൂടുതലും പുലർച്ചെയാണു ചെറിയ കുട്ടികൾ ചെവിവേദന മൂലമുള്ള അസ്വസ്ഥതകൾ പ്രകടിപ്പിക്കുന്നത്. ജലദോഷമുള്ള കുട്ടികൾക്കു ചെവിവേദനയുണ്ടാകാനുള്ള സാധ്യത കൂടുതലാണ്. ചെവിവേദനയുള്ളപ്പോൾ കുട്ടികൾ നിർത്താതെ കരയും. കുഞ്ഞുങ്ങൾ കരയുന്നതിനിടെ ചെവിയിൽ പിടിച്ചു വലിക്കുന്നുണ്ടെങ്കിൽ ചെവിവേദനയാകാം കാരണം. കുഞ്ഞുങ്ങൾ കരയാനുള്ള കാരണം കണ്ടുപിടിക്കുകയാണ് ആദ്യം ചെയ്യേണ്ടത്.
എന്നാൽ അസ്വസ്ഥത മൂലം കരയുന്ന പൊടികുഞ്ഞിന്റെ കരച്ചിൽമാറ്റാൻ ഒരു സൂത്രമുണ്ട്. കുട്ടികളുടെ കാൽപ്പാദത്തിൽ അമർത്തിയാൽ കരച്ചിൽ നിമിഷ നേരം കൊണ്ട് ഇല്ലാതാക്കാം.പാദത്തിലെ പ്രത്യേക പോയിന്റുകൾ അമർത്തുമ്പോൾ കുട്ടികളുടെ കരച്ചിൽ നിൽക്കുന്നു. ഇത് കുട്ടികളെ പെട്ടെന്ന് ശാന്തരാക്കുന്നതിനും കരച്ചിൽ നിർത്തുന്നതിനും കാരണമാകുന്നു. റിഫ്‌ളക്‌സോളജി എന്നാണ് ഇതിന്റെ പേര്. വർഷങ്ങൾക്കു മുൻപ് തന്നെ ചൈനീസ് ആരോഗ്യ വിദഗ്ധർ ഈ രീതി പരീക്ഷിച്ച് പോന്നിരുന്നുവത്രേ.
Discussion about this post