ന്യൂഡല്ഹി:തിരഞ്ഞെടുപ്പ് ഫലം വിലയിരുത്താനായുള്ള ഇൻഡീ മുന്നണിയുടെ യോഗം ഡൽഹിയിൽ പൂർത്തിയായി. എ.ഐ.സി.സി. അധ്യക്ഷൻ മല്ലികാർജുൻ ഖാർഗെയുടെ ഡൽഹിയിലെ വസതിയിൽ വച്ചായിരുന്നു യോഗം. ഭരണഘടനയുടെ ആമുഖത്തില് പ്രതിപാദിക്കുന്ന മൂല്യങ്ങളോട് പ്രതിബദ്ധത പുലര്ത്തുന്ന എല്ലാ പാര്ട്ടികളേയും ഇൻഡീ മുന്നണിയിലേക്ക് സ്വാഗതം ചെയ്യുന്നുവെന്ന് മല്ലികാര്ജുന് ഖാര്ഗെ പറഞ്ഞു. മുന്നണിയിലെ മറ്റ് കക്ഷികളെ സ്വാഗതംചെയ്തുകൊണ്ട് നടത്തിയ പ്രസ്താവന അദ്ദേഹം എക്സില് പങ്കുവെച്ചു.
ഇൻഡീ സഖ്യം തിരഞ്ഞെടുപ്പിനെ മികച്ച രീതിയില്, ഐക്യത്തോടെ, ഫലപ്രദമായി നേരിട്ടു. ഭരണഘടനയുടെ ആമുഖത്തില് പ്രതിപാദിച്ചിരിക്കുന്ന മൂല്യങ്ങളോടും സാമ്പത്തികവും സാമൂഹികവും രാഷ്ട്രീയവുമായ നീതിക്കുവേണ്ടിയുള്ള വ്യവസ്ഥകളോടും മൗലികമായ പ്രതിബദ്ധത പങ്കിടുന്ന എല്ലാ കക്ഷികളെയും ഇൻഡീ മുന്നണി സ്വാഗതം ചെയ്യുന്നു, മല്ലികാർജുൻ ഖാർഗെ പറഞ്ഞു.
സോണിയ ഗാന്ധി, രാഹുല് ഗാന്ധി, പ്രിയങ്ക ഗാന്ധി, എ.ഐ.സി.സി. ജനറല് സെക്രട്ടറി കെ.സി. വേണുഗോപാല് തമിഴ്നാട് മുഖ്യമന്ത്രി എം.കെ. സ്റ്റാലിന്, ഡി.എം.കെ. നേതാവ് ടി.ആര്. ബാലു, ഝാര്ഖണ്ഡ് മുഖ്യമന്ത്രി ചംപയ് സോറന്, കല്പന സോറന്, എന്.സി.പി. നേതാക്കളായ ശരദ് പവാര്, സുപ്രിയ സുലെ, അഖിലേഷ് യാദവ്, രാം ഗോപാല് യാദവ്, അഭിഷേക് ബാനര്ജി, തേജസ്വി യാദവ്, സഞ്ജയ് റാവുത്ത്, അരവിന്ദ് സാവന്ത്, ഒമര് അബ്ദുള്ള, സീതാറാം യെച്ചൂരി, ഡി. രാജ, സഞ്ജയ് സിങ്, രാഘവ് ഛദ്ദ, സാദിഖലി ശിഹാബ് തങ്ങള്, പി.കെ. കുഞ്ഞാലിക്കുട്ടി, എന്.കെ. പ്രേമചന്ദ്രന്, ജി. ദേവരാജന്, ജോസ് കെ. മാണി എന്നിവര് യോഗത്തില് പങ്കെടുത്തു.
