പലരെയും അലട്ടുന്ന ഒരു പ്രശ്നമാണ് ഗ്യാസ്. ചില ഭക്ഷണങ്ങളാണ് ഗ്യാസ് പ്രശ്നമുണ്ടാക്കുന്നതിന്റെ പ്രധാന കാരണം. നെഞ്ചെരിച്ചിൽ, നെഞ്ച് വേദന എന്നിവയെല്ലാം സാധ്യത കൂടുതലാണ്. അതുപോലെ, വയർ നല്ലപോലെ ചീർത്തിരിക്കുകയും ഇരിക്കാനും നിൽക്കാനും പറ്റാത്ത അവസ്ഥപോലും ഗ്യാസ് വന്നാൽ ഉണ്ടാകാം.
സാധാരണയായി ചില ഭക്ഷണ സാധനങ്ങൾ കഴിക്കുന്നത് ഗ്യാസിന് കാരണമാകാറുണ്ട്. കപ്പ, ചെറുപയർ, ചില കിഴങ്ങു വർഗങ്ങൾ, ചക്ക എന്നിവയെല്ലാം ഗ്യാസിന് കാരണമാകുന്നു. ഗ്യാസ് ഉള്ളവർ കൊക്കോ കോള ഉൾപ്പെടെയുള്ള കാർബണേറ്റഡ് ഡ്രിങ്ക്സ് ഒഴിവാക്കുക. ചായയും കാപ്പിയും പറ്റാവുന്നത്ര കുറക്കുക. നാരുകൾ അടങ്ങിയ ഭക്ഷണം ചായയ്ക്കും കാപ്പിക്കും ഒപ്പം കഴിക്കുന്നതും ഗ്യാസ് ഉണ്ടാക്കും.
ഗ്യാസ് വന്നാൽ
വയറ്റിൽ ഗ്യാസ് നിറഞ്ഞാൽ അതിനെ പുറത്ത് കളയാൻ നമ്മളുടെ ശരീരം നല്ലപോലെ അനങ്ങേണ്ടത് അത്യാവശ്യമാണ്. വ്യായാമം ചെയ്താൽ ഗ്യാസ് കളയാം.
വയറ്റിൽ ഗ്യാസ് നിരയുമ്പോൾ വയറിന്റെ ഏതെങ്കിലും ഭാഗത്ത് നല്ലപോലെ കൊളിത്തിപിടിച്ചപോലെ വേദന അനുഭവപ്പെടാൻസാധ്യത കൂടുതലാണ്. അതിനാൽ, നിങ്ങൾക്ക് എവിടെയാണ് ഗ്യാസ് മൂലം വേദന അനുഭവപ്പെടുന്നത് അവിടെ എണ്ണ പുരട്ടി പതിയെ മസാജ് ചെയ്ത് കൊടുക്കുന്നത് ഗ്യാസ് വേഗത്തിൽ പോകുന്നതിന് സഹായിക്കുന്നുണ്ട്
വെള്ളം,ഇഞ്ചി ചായ എന്നിവ കുടിക്കുന്നതെല്ലാം വേഗത്തിൽ വയറ്റിൽ നിന്നും ഗ്യാസ് ഇല്ലാതാക്കാൻ സഹായിക്കും.
