സൗന്ദര്യം കാത്തുസൂക്ഷിക്കാൻ ആഗ്രഹിക്കുന്ന എല്ലാവരും ആഗ്രഹിക്കുന്ന കാര്യമാണ് സൺടാനും കരുവാളിപ്പും ഇല്ലാത്ത തിളക്കമാർന്ന ചർമ്മം. മുഖക്കുരു പാടുകളും ടാനും കൊണ്ട് ആകെ മോശമായ ചർമ്മത്തെ പൂർവ്വ സ്ഥിതിയിലാക്കാൻ ബ്യൂട്ടിപാർലറിലേക്ക് ഓടണ്ട. മുഖത്തെ ടാനും പാടുകളും മാറ്റാൻ വഴിയുണ്ട്.
കെമിക്കലുകളൊന്നും ഇല്ലാത്ത ആയുർവേദ പാക്ക് തന്നെയാവാം.ആയുർവേദ ഔഷധമാണ് മഞ്ജിസ്ത അഥവാ മഞ്ചിഷ്ട. ആൻറിഇൻഫ്ലമേറ്ററി, ആന്റിമൈക്രോബയൽ ഗുണങ്ങളാൽ അനുഗ്രഹീതമായതിനാൽ ഇത് രക്തത്തിലെ വിഷാംശം ഇല്ലാതാക്കുന്നതായി അറിയപ്പെടുന്നു.
രക്തപ്രവാഹത്തിലെ തടസ്സങ്ങളെ ഇല്ലാതാക്കുന്നു. ചർമ്മത്തിന്റെ തിളക്കം വർദ്ധിപ്പിക്കുന്നതിനും വളരെ നല്ലതാണിത്. ഇതുകൂടാതെ, മുഖക്കുരു, ചർമ്മത്തിലെ തിണർപ്പ്, പലതരത്തിലുള്ള ചർമ്മ അണുബാധകൾ എന്നിവ സുഖപ്പെടുത്തുന്നതിനും ഇത് അറിയപ്പെടുന്നു.
മഞ്ചിഷ്ട ഉപയോഗിച്ചുള്ള ഫേസ്പാക്ക് ചർമ്മത്തിന്റെ നിറം വർദ്ധിപ്പിക്കുകയും മറ്റ് പ്രശ്നങ്ങൾ കുറയ്ക്കുകയും ചെയ്യും. മഞ്ചിഷ്ട പൗഡർ, രക്തചന്ദനം, തൈര്, അരിപ്പൊടി എന്നിവയാണ് ഈ ഫെയ്സ്പാക്ക് തയ്യാറാക്കാൻ ആവശ്യമുള്ളത്. മുഖത്തുണ്ടാകുന്ന മുഖക്കുരു, കരുവാളിച്ച പാടുകൾ എന്നിവ അകറ്റാൻ ഈ പാക്ക് സഹായിക്കും.
മഞ്ചിഷ്ട പൗഡർ 1 ടീസ്പൂൺ
രക്തചന്ദനം അര ടീസ്പൂൺ
തൈര് ഒന്നര ടീസ്പൂൺ
അരിപ്പൊടി അര ടീസ്പൂൺ
ഈ മിശ്രിതം നന്നായി മുഖത്ത് തേച്ച് പിടിപ്പിക്കുക. ഉണങ്ങിയതിനുശേഷം മുഖം കഴുകുക. ദിവസവും ചെയ്യുന്നത് നല്ല ഫലം നൽകും. അതല്ലെങ്കിൽ ആഴ്ചയിൽ മൂന്നോ നാലോ ദിവസം ചെയ്യുക.
മഞ്ചിഷ്ട ഇരട്ടിമധുരം എന്നിവ നന്നായി കഴുകി വൃത്തിയാക്കി ഒരു രാത്രി മുഴുവൻ വെള്ളത്തിൽ മുക്കി വയ്ക്കുക. ശേഷം ഇത് നന്നായി തിളപ്പിച്ച് സത്ത് കുറുക്കിയെടുക്കുക. തണുപ്പിച്ച ശേഷം കറ്റാർ വാഴ ജെല്ലുമായി ചേർത്ത് മുഖത്ത് തേച്ചുപിടിപ്പിക്കാം. മഞ്ചിഷ്ത ഇരട്ടിമധുരം എന്നിവ പൊടിയായിട്ടാണ് ലഭിക്കുന്നതെങ്കിൽ ഇവ വെള്ളത്തിലോ പനിനീരിലോ കലക്കി കറ്റാർ വാഴ ജെല്ലുമായി ചേർത്ത് മുഖത്ത് പുരട്ടാം.
Discussion about this post