കൊൽക്കത്ത; മുതിർന്ന സിപിഐഎം നേതാവും പശ്ചിമ ബംഗാൾ മുൻ മുഖ്യമന്ത്രിയുമായ ബുദ്ധദേബ് ഭട്ടാചാര്യ (80) അന്തരിച്ചു. വാർധക്യ സഹചമായ അസുഖത്തെ തുടർന്നായിരുന്ന് കൊൽക്കത്തയിൽ വച്ചായിരുന്നു അന്ത്യം. ബംഗാളിൽ 34 വർഷത്തെ ഇടതുമുന്നണി ഭരണത്തിൽ, 2000 മുതൽ 2011 വരെ തുടർച്ചയായി 11 വർഷം അധികാരത്തിലിരുന്ന രണ്ടാമത്തെയും അവസാനത്തെയും സിപിഎം മുഖ്യമന്ത്രിയായിരുന്നു ഭട്ടാചാര്യ.
പ്രധാനമായും മുതലാളിത്ത വിരുദ്ധമായ സി.പി.ഐ.എമ്മിന്റെ സാമ്പത്തിക നയങ്ങളിൽ നിന്ന് വ്യത്യസ്തമായി, ബിസ്സിനസ്സുമായി ബന്ധപ്പെട്ട താരതമ്യേന തുറന്ന നയങ്ങൾക്ക് ഭട്ടാചാര്യ പ്രശസ്തനായിരുന്നു. 1944 മാർച്ച് 1 ന് വടക്കൻ കൊൽക്കത്തയിൽ ഒരു ബംഗാളി ബ്രാഹ്മണ കുടുംബത്തിലാണ് ഭട്ടാചാര്യ ജനിച്ചത് . ഇന്നത്തെ ബംഗ്ലാദേശിലെ മദാരിപൂർ ജില്ലയിൽ നിന്നുള്ള അദ്ദേഹത്തിന്റെ മുത്തച്ഛൻ കൃഷ്ണചന്ദ്ര സ്മൃതിതീർത്ഥ ഒരു സംസ്കൃത പണ്ഡിതനും പുരോഹിതനും മികച്ച എഴുത്തുകാരനുമായിരുന്നു.
ശൈലേന്ദ്ര സിർകാർ വിദ്യാലയത്തിലെ മുൻ വിദ്യാർത്ഥിയായ ഭട്ടാചാര്യ കൊൽക്കത്തയിലെ പ്രസിഡൻസി കോളേജിൽ ബംഗാളി സാഹിത്യം പഠിക്കുകയും ബംഗാളിയിൽ ബിഎ ബിരുദം നേടുകയും ചെയ്തു (ഓണേഴ്സ്), ഡം ഡമിലെ ആദർശ് ശംഖ വിദ്യാ മന്ദിർ സ്കൂളിൽ അദ്ധ്യാപകനായി ചേർന്നു. മീര ഭട്ടാചാര്യയാണ് ഭാര്യ. സുചേതൻ ഭട്ടാചാരി മകൻ.
