മഹാവിഷ്ണുവിന്റെ അവതാരമായ പരശുരാമനാൽ സൃഷ്ടിക്കപ്പെട്ടതാണ് കേരളം എന്നാണ് വിശ്വാസം. നമ്മുടെ പല മഹാക്ഷേത്രങ്ങളും പരശുരാമനാൽ പ്രതിഷ്ഠ നടത്തിയവയാണ്. ഉന്നത വിദ്യാഭ്യാസ കൗൺസിൽ ചെയർമാനും മഹാത്മഗാന്ധി സർവകലാശാല മുൻ വൈസ് ചാൻസലറുമായ രാജൻ ഗുരുക്കളുടെ പരാമർശമാണ് ഇപ്പോൾ ചർച്ചയാകുന്നത്.
മനുഷ്യരൂപത്തിലുള്ള ദൈവമാണ് പരശുരാമനെന്ന് രാജൻ ഗുരുക്കൾ പറയുന്നു. മഹാവിഷ്ണുവിന്റെ അവതാരങ്ങളിൽ ഒന്നാണ് പരശുരാമൻ. മഴുവെറിഞ്ഞ് വരുണനിൽ നിന്നും കേരളം വീണ്ടെടുത്തതും ബ്രാഹ്മണരെ കൊണ്ട് 64 ഗ്രാമങ്ങളിൽ താമസിപ്പിച്ചതും ഐതിഹ്യത്തിൽ പറയുന്നു. ബ്രാഹ്മണർ കേരളത്തിൽ വന്നത് ചരിത്രത്തിലുള്ള കാര്യമാണെന്നും രാജൻ ഗുരുക്കൾ പറയുന്നു.
പണ്ട് കേരളത്തിലേയ്ക്ക് വന്ന ബ്രാഹ്മണരെ ഇവിടെയുള്ളവർ തുരുത്തി ഓടിപ്പിച്ചുവെന്നാണ് ചരിത്രം പറയുന്നത്. പിന്നീട് ആയുധങ്ങളുമായി എത്തിയ ബ്രാഹ്മണർ ഇവിടെയുള്ളവരെ കീഴ്പ്പെടുത്തുകയും വാഴും നമ്പിമാരായി മാറുകയുമായിരുന്നു. രാജഭരണമില്ലാത്ത കാലഘട്ടമായതിനാൽ ഇവിടുത്തെ ഗോത്രവർഗങ്ങളെ കീഴ്പ്പെടുത്തി നമ്പൂതിരിമാർ സ്വയം ഭരണമുണ്ടാക്കി എന്നും ആയിരുന്നു രാജൻ ഗുരുക്കളുടെ പ്രസ്താവന.
Discussion about this post