ബംഗളൂരു: ട്രെയിൻ യാത്ര കണ്ണടച്ച് തുറക്കും വേഗത്തിലാക്കാൻ വന്ദേഭാരത് സ്ലീപ്പർ ട്രെയിനുകൾ വരുന്നു. ട്രെയിനിന്റെ ആദ്യ മാതൃക റെയിൽവേ മന്ത്രി അശ്വിനി വൈഷ്ണവ് പുറത്തുവിട്ടു. പുതുതായി അവതരിപ്പിച്ച കോച്ച് 10 ദിവസത്തേയ്ക്ക് പരീക്ഷണ ഓട്ടം നടത്തുമെന്ന് കേന്ദ്രമന്ത്രി അറിയിച്ചു. ട്രാക്കിൽ പരീക്ഷണം നടത്തി തൃപ്തികരമാണങ്കെിൽ മൂന്ന് മാസത്തിനകം ട്രെയിൻ സർവീസിന്റെ ഭാഗമാക്കാനാണ് തിരുമാനമെന്നും അദ്ദേഹം കൂട്ടിച്ചേർത്തു.
ട്രെയിനിന്റെ ചിത്രങ്ങൾ ഇതിനോടകം തന്നെ പുറത്ത് വന്നിട്ടുണ്ട്. അത്യാധുനിക സൗകര്യങ്ങളോട് കൂടിയാണ് വന്ദേഭാരത് അതിന്റെ സ്ലീപ്പർ ട്രെയിനുകൾ അവതരിപ്പിക്കുന്നത്. ട്രെയിനിൽ 16 കോച്ചുകളിലായി 823 ബെർത്തുകളായിരിക്കും ഉണ്ടായിരിക്കുക. 160 കിലോമീറ്റർ വേഗത്തിൽ സർവീസ് നടത്തുമെന്നാണ് പ്രതീക്ഷിക്കുന്നത്. ടെസ്റ്റിംഗ് വേഗത 180 കിലോമീറ്റർ ആയിരിക്കുമെന്ന് റെയിൽവേ വൃത്തങ്ങൾ അറിയിച്ചു.
നാല് എസി ടു ടയർ കോച്ചുകൾ, 11 എസി ത്രി ടയർ കോച്ചുകൾ, ഒരു എസി ഫസ്റ്റ് ക്ലാസ് കോച്ചുകൾ എന്നിവയായിരിക്കും ഉണ്ടായിരിക്കുക. ദുർഗന്ധ രഹിത ടോയ്ലറ്റ്, ജിഎഫ്ആർപി പാനലുകൾ, ഓട്ടോമാറ്റിക് എക്സറ്റീരിയർ പാസഞ്ചർ ഡോറുകൾ, വിശാലമായ ലഗേജ് മുറി എന്നിവയും ഉണ്ടായിരിക്കും.
Discussion about this post