ഇടുക്കി : ഭക്ഷ്യസുരക്ഷാ കിറ്റിൽ ഗുണനിലാവാരമില്ലാത്ത വെളിച്ചെണ്ണ വിതരണം ചെയ്തതിൽ നടപടി. ഇടുക്കിയിലെ വനവാസി ഊരിലാണ് ഗുണനിലവാരമില്ലാത്ത വെളിച്ചെണ്ണ സർക്കാർ വിതരണം ചെയ്തത്.
കാലാവധി കഴിഞ്ഞ കേരശക്തി വെളിച്ചെണ്ണയാണ് വിതരണം ചെയ്ത്. സ്ഥാപനത്തിലെ ഉടമ ഷിജാസിൽ നിന്ന് ഏഴ് ലക്ഷം രൂപ പിഴ ഈടാക്കാൻ ഇടുക്കി ജില്ലാ കലക്ടർ ഉത്തരവിട്ടു. കമ്പനിയുടെ ലൈസൻസും റദ്ദാക്കിയിട്ടുണ്ട്.
കർക്കടക മാസത്തിൽ വെള്ളിയാമറ്റം, ഉടുമ്പൻചോല വനവാസി ഊരുകളിൽ പട്ടിക വർഗ്ഗ വികസന വകുപ്പിന്റെ നേതൃത്വത്തിലായിരുന്നു വെളിച്ചെണ്ണ വിതരണം ചെയ്തത്. ഗുണനിലവാരമില്ലാത്ത വെളിച്ചെണ്ണ ഉപയോഗിച്ചവർക്ക് ശാരീരിക ബുദ്ധിമുട്ടുകൾ അനുഭവപ്പെടുകയായിരുന്നു. ഇതുപയോഗിച്ച് ഭക്ഷണം പാകം ചെയ്ത് കഴിച്ച പലർക്കും ഭക്ഷ്യവിഷബാധ അടക്കം റിപ്പോർട്ട് ചെയ്തു. തുടർന്ന് പരാതികൾ ഉയരുകയും വിമർശനങ്ങൾ കർശനമാവുകയും ചെയ്തതിന്റെ പശ്ചാത്തലത്തിലാണ് നടപടി .
2018 ൽ നിരോധിച്ച ബ്രാൻഡിന്റെ വെള്ളിച്ചണ്ണയടക്കം കിറ്റിൽ ഉണ്ടായിരുന്നു. ഇതുപയോഗിച്ചതിനെ തുടർന്ന് വെണ്ണിയാനി ഊരിൽ മാത്രം 60 ആദിവാസി കുടുംബങ്ങൾക്കാണ് ഭക്ഷ്യവിഷബാധയേറ്റിരുന്നത്.പ്രതിഷേധം ശക്തമായതോടെയാണ് നടപടി സ്വീകരിക്കുന്നത്.
