തിരുവനന്തപുരം: എഡിജിപി എം.ആർ അജിത് കുമാറിനെതിരെ വിജിലൻസ് അന്വേഷണത്തിന് ശുപാർശ. പി.വി അൻവർ എംഎൽഎയുടെ ആരോപണത്തിലാണ് അജിത് കുമാറിനെതിരെ അന്വേഷണം നടത്താൻ ഒരുങ്ങുന്നത്. സംസ്ഥാന പോലീസ് മേധാവി ഷെയ്ഖ് ദർവേസ് സാഹിബ് ആണ് അദ്ദേഹത്തിനെതിരെ അന്വേഷണത്തിന് ശുപാർശ നൽകിയത്.
അജിത് കുമാർ അനധികൃതമായി സ്വത്തുക്കൾ സമ്പാദിച്ചിട്ടുണ്ടെന്നതുൾപ്പെടെയുള്ള ആരോപണങ്ങൾ ആണ് അൻവർ ഉന്നയിച്ചിട്ടുള്ളത്. ബന്ധുക്കളുടെ പേരിലും സ്വത്തുക്കൾ വാങ്ങിക്കൂട്ടി. കവടിയാറിൽ ആഡംബര വീടിന്റെ നിർമ്മാണം നടക്കുന്നുണ്ടെന്നും എംഎൽഎ ആരോപണം ഉന്നയിക്കുന്നുണ്ട്. ഇതിന്റെയെല്ലാം അടിസ്ഥാനത്തിലാണ് അദ്ദേഹത്തിനെതിരെ അന്വേഷണം.
ഇതുമായി ബന്ധപ്പെട്ട ശുപാർശ ഡിജിപി സർക്കാരിന് നൽകിയിട്ടുണ്ട്. ഇത് സർക്കാർ വിജിലൻസിന് കൈമാറും. വിജിലൻസ് മേധാവി യോഗേഷ് ഗുപ്ത നേരിട്ടാകും സംഭവത്തിൽ അന്വേഷണം നട്ത്തുക. ഡിജിപി അജിത് കുമാറിൽ നിന്ന് മൊഴിയെടുക്കാനായി നോട്ടീസ് നൽകും.
