ആരോഗ്യത്തിന് മികച്ച ഒരു ഫലമാണ് പഴം. ചർമ്മ സംരക്ഷണത്തിനും മുടിയുടെ ആരോഗ്യത്തിനും എല്ലാം പഴം മികച്ചതാണ്. പഴം മാത്രമല്ല, പഴത്തൊലിയും നമ്മുടെ ചര്മ്മത്തിനും മുടിക്കും ഗുണം നല്കുന്ന ഒന്നാണ്.
വിറ്റാമിനുകളുടെയും ആൻ്റിഓക്സിഡൻ്റുകളും നിറഞ്ഞ ഒന്നാണ് പഴത്തൊലിയും. പഴത്തൊലി ചർമ്മത്തെ കേടുപാടുകളിൽ നിന്ന് സംരക്ഷിക്കുകയും നേർത്ത വരകൾ കുറയ്ക്കുകയും ചെയ്യുന്നു. പഴത്തൊലിയിൽ പൊട്ടാസ്യം, വിറ്റാമിൻ സി തുടങ്ങിയ വിറ്റാമിനുകളും ധാതുക്കളും ധാരണം അടങ്ങിയിരിക്കുന്നു. മിനുസമാർന്നതും യുവത്വമുള്ളതുമായ ചർമ്മം നേടുന്നതിനും പഴത്തൊലി മികച്ച ഒന്നാണ്.
ചര്മ്മ സംരക്ഷണത്തിന് പഴത്തൊലി കൊണ്ടുള്ള ഫേസ് പാക്കുകൾ നല്ലതാണ്. പഴത്തൊലി നേരിട്ട് തന്നെ ചർമ്മത്തിൽ മസാജ് ചെയ്യുന്നത് നല്ലതാണ്. ചര്മ്മം സോഫ്റ്റ് ആക്കാന് ഈ മസാജ് നല്ലതാണ്. ഇതിനായി മുഖത്തും കഴുത്തിലുമായി പഴത്തൊലി കൊണ്ട് മസാജ് ചെയ്ത ശേഷം കഴുകി കളയുക. ആഴ്ചയിൽ രണ്ടോ മൂന്നോ തവണ ഇത് ചെയ്യാവുന്നതാണ്.
ഒരു സ്പൂൺ തൈര്, അൽപം തേൻ, എന്നിവ പഴത്തൊലിയുമായി യോജിപ്പിച്ച് തേക്കുന്നതും നല്ലതാണ്. മുഖത്തും കഴുത്തിലുമായി ഇത് പുരട്ടണം. ചർമ്മത്തിൻ്റെ ഘടന മെച്ചപ്പെടുത്താനും ഈ പാക്ക് ഈർപ്പം നിലനിർത്താനും ഈ പാക്ക് സഹായിക്കുന്നു. തൈരിലെ ലാക്റ്റിക് ആസിഡ് മുഖത്തെ അഴുക്ക് നീക്കം ചെയ്യുന്നു. തേനിൽ മുഖക്കുരു കുറയ്ക്കാൻ കഴിയുന്ന ആന്റി ബാക്ടീരിയൽ ഗുണങ്ങൾ അടങ്ങിയിട്ടുണ്ട്. 15-20 മിനുട്ട് നേരം ഈ പാക്ക് ഇട്ടിട്ട് വേണം ഇത് കഴുകികളയാന്.
പഴത്തൊലിയിലെ ഉയർന്ന പൊട്ടാസ്യം മുടിയെ ശക്തിപ്പെടുത്തുകയും പൊട്ടുന്നത് തടയുകയും ചെയ്യുന്നു. ഇതിനായി പഴത്തൊലി മിക്സിയിൽ അടിച്ചെടുക്കുക. ശേഷം ഇതിലേക്ക് ഒലിവ് ഓയിൽ ചേർക്കുക. ഈ പാക്ക് തലയിൽ പുരട്ടി മസാജ് ചെയ്യുക. 20-30 മിനിറ്റ് നേരം ഈ പാക്ക് ഇട്ടേക്കുക. ശേഷം പതിവുപോലെ ഷാംപൂ ഉപയോഗിച്ച് കഴുകി കളയുക. വരണ്ടതും കേടായതുമായ മുടിയിൽ ഈർപ്പവും മൃദുവും തിളക്കവും നൽകുന്നതിന് ഈ പാക്ക് സഹായിക്കുന്നു.
