ന്യൂഡല്ഹി: ഇന്ത്യന് പ്രതിരോധ സേനയ്ക്കെതിരെയുളള സൈബര് ആക്രമണത്തിന് പിന്നില് പാകിസ്ഥാന് ഹാക്കര്മാരെന്ന് റിപ്പോര്ട്ടുകള് പുറത്ത്.രഹസ്യാന്വേഷണ സംഘമായ സെക്രൈറ്റാണ് ഇത് സംബന്ധിക്കുന്ന സുപ്രധാന തെളിവുകള് കണ്ടെത്തിയത്. ഇന്ത്യയുടെ പ്രതിരോധ സേനയില് നിന്ന് നിര്ണായക വിവരങ്ങള് കെെയ്ക്കലാക്കാനുളള ശ്രമമാണ് പുതിയ തെളിവുകള് സൂചിപ്പിക്കുന്നത്.
നേരത്തെ ചൈനയുടെ ഹാക്കർമാർ ആയിരുന്നു ഇന്ത്യയുടെ സൈബർ ആക്രമണത്തിന് പിന്നിൽ എന്നായിരുന്നു നിഗമനം. എന്നാൽ പാകിസ്താന്റെ ഹാക്കർമാരാണെന്നുള്ള സൂചിപ്പിക്കുന്ന പുതിയ തെളിവുകള് സൈബര് സുരക്ഷാ വിദഗ്ദ്ധര് കണ്ടെത്തി. ‘ഓപ്പറേഷന് സൈഡ്കോപ്പി’ എന്ന് പറയപ്പെടുന്ന ഹാക്കിംഗ് 2019 മുതല് നടന്നുവരുന്നുവെന്നും റിപ്പോര്ട്ടില് പറയുന്നു. സെെബര് ആക്രമികള് ലക്ഷ്യമിടുന്നത് ഇന്ത്യന് സേനയെയാണെന്നും ഇതിലൂടെ വ്യക്തമാണ്.
read also: അരുണാചല് പ്രദേശില് അസം റൈഫിള്സിന്റെ വാട്ടര് ടാങ്കിന് നേരെ ആക്രമണം, ജവാന് വീരമൃത്യു
കഴിഞ്ഞ ഒരു വര്ഷത്തിനിടെ ഓപ്പറേഷന് സൈഡ്കോപ്പിയുമായി ബന്ധപ്പെട്ട് പല ഹാക്കിംഗ് ശ്രമങ്ങള് നടന്നതായും സെക്രൈറ്റ് പറയുന്നു. അതീവ സുരക്ഷ ഏര്പ്പെടുത്തിയിട്ടുളള ഇന്ത്യന് സേനയുടെ കംപ്യൂട്ടറുകളിലേക്ക് നുഴഞ്ഞു കയറുന്നതിനായി ഫിഷിംഗ് ഇമെയിലുകളും വിദൂര ആക്സസ് മാല്വെയറുകളുമാണ് സെെബര് ആക്രമികള് ഉപയോഗിച്ചതെന്നും കണ്ടെത്തിയിട്ടുണ്ട്.ഇതിലൂടെ നിര്ണായക വിവരങ്ങള് മോഷ്ടിക്കാനായിരുന്നു പാകിസ്ഥാന് ഹാക്കര്മാരുടെ ശ്രമം.
Discussion about this post