തിരുവനന്തപുരം: 2025 ലെ പൊതുഅവധികൾക്ക് മന്ത്രിസഭാ യോഗത്തിന്റെ അംഗീകാരം. 2025 ലെ പൊതുഅവധികളും നെഗോശ്യബിൾ ഇൻസ്ട്രുമെന്റ് ആക്ട് പ്രകാരമുള്ള അവധികളുമാണ് സംസ്ഥാന മന്ത്രി സഭാ യോഗം അംഗീകരിച്ചത്. തൊഴിൽ നിയമം-ഇൻഡസ്ട്രിയൽ ഡിസ്പ്യൂട്ട്സ് ആക്ട്സ്, കേരള ഷോപ്പ്സ് & കൊമേഷ്യൽ എസ്റ്റാബ്ലിഷ്മെന്റ് ആക്ട്, മിനിമം വേജസ് ആക്ട് മുതലായവയുടെ പരിധിയിൽ വരുന്ന സ്ഥാപനങ്ങൾക്ക് കേരള ഇൻഡസ്ട്രിയൽ എസ്റ്റാബ്ലിഷ്മെന്റ് (നാഷണൽ & ഫെസ്റ്റിവൽ ഹോളിഡേയ്സ്) നിയമം 1958 -ന്റെ കീഴിൽ വരുന്ന അവധികൾ മാത്രമേ ബാധകമായിരിക്കുകയുളളൂ.
മാർച്ച് 14 വെള്ളി (ഹോളി) ദിനത്തിൽ ന്യൂഡൽഹിയിൽ പ്രവർത്തിക്കുന്ന പൊതുമേഖലാ സ്ഥാപനങ്ങൾ ഉൾപ്പെടെയുള്ള സംസ്ഥാന സർക്കാർ ഓഫീസുകൾക്ക് പ്രാദേശിക അവധി അനുവദിക്കും.
അടുത്ത വർഷത്തെ റിപ്പബ്ലിക് ദിനം, മുഹറം, നാലാം ഓണം/ ശ്രീനാരായണഗുരു ജയന്തി, ശ്രീകൃഷ്ണജയന്തി, ശ്രീനാരായണഗുരു സമാധി എന്നീ അവധി ദിവസങ്ങൾ ഞായറാഴ്ചയാണ് വരുന്നത്. അടുത്തവർഷം ഏറ്റവും കൂടുതൽ അവധികൾ ഉള്ള മാസം സെപ്റ്റംബർ ആണ്.ഓണം ഉൾപ്പെടെയുള്ള ആറ് അവധി ദിനങ്ങൾ ആണ് സെപ്റ്റംബറിൽ ലഭിക്കുക. അതേസമയം അടുത്തവർഷം ഗാന്ധിജയന്തിയും വിജയദശമിയും ഒരു ദിവസമാണ്. കൂടാതെ ഡോക്ടർ ബി ആർ അംബേദ്കർ ജയന്തിയും വിഷുവും ഒരു ദിവസമാണ്.
ജനുവരി 2: മന്നം ജയന്തി, ജനുവരി 26: റിപബ്ലിക് ദിനം, ഫെബ്രുവരി 26: മഹാശിവരാത്രി, മാർച്ച് 31: ഈദുൽ ഫിത്തർ, ഏപ്രിൽ 14: വിഷു/ അംബേദ്കർ ജയന്തി, ഏപ്രിൽ 17: പെസഹ വ്യാഴം, ഏപ്രിൽ 18: ദുഃഖവെള്ളി, മെയ് 1: മെയ്ദിനം, ജൂൺ 6: ബക്രീദ്, ജൂലൈ 24: കർക്കടക വാവ്, ആഗസ്റ്റ് 15: സ്വാതന്ത്ര്യദിനം, ആഗസ്റ്റ് 28: അയ്യങ്കാളി ജയന്തി, സെപ്റ്റംബർ 4: ഒന്നാം ഓണം, സെപ്റ്റംബർ 5: തിരുവോണം/ നബിദിനം, സെപ്റ്റംബർ 6: മൂന്നാം ഓണം, സെപ്റ്റംബർ 7: നാലാം ഓണം/ശ്രീനാരായണഗുരു ജയന്തി, ഒക്ടോബർ 1: മഹാനവമി, ഒക്ടോബർ 2: വിജയദശമി/ ഗാന്ധിജയന്തി, ഒക്ടോബർ 20: ദീപാവലി, ഡിസംബർ 25: ക്രിസ്മസ്
Discussion about this post