കൊച്ചി; ഡബ്ല്യൂസിസിയുടെ സ്ഥാപക നേതാക്കളിൽ ഒരാളായ നായികനടിക്കെതിരെ സംവിധായകൻ ആലപ്പി അഷ്‌റഫ്. നടിക്ക് സംഭവിച്ച ദുരനുഭവം ഇതുവരെ ഹേമ കമ്മറ്റിയോടെ മാദ്ധ്യമങ്ങളോടോ വെളിപ്പെടുത്തിയിട്ടില്ലെന്ന് അദ്ദേഹം പറഞ്ഞു. തന്റെ യൂട്യൂബ് ചാനലിലൂടെയാണ് പങ്കുവച്ച വീഡിയോയയിലൂടെയാണ് സംവിധായകൻ ഇത് വെളിപ്പെടുത്തിയത്.നടിയുടെ മുറിയിൽ റൂംബോയ് കയറിയ സംഭവമാണ് സംവിധായകൻ പറയുന്നത്.
അദ്ദേഹത്തിന്റെ വാക്കുകൾ ഇങ്ങനെ ഒരുപാട് യാതനകളും എതിർപ്പുകളും നേരിട്ടു കൊണ്ടാണ് ഒരുപറ്റം നടിമാർ ഡബ്ല്യുസിസി എന്ന സംഘടന രൂപപ്പെടുത്തിയെടുത്തത്. അവർക്ക് അന്നും ഇന്നും പൊതു സമൂഹത്തിന്റെ പിന്തുണയുണ്ട്. മലയാള സിനിമയിൽ പീഡനവും വേദനയും അനുഭവിച്ചിട്ടുള്ള നടിമാരെ കണ്ടെത്തി, അവരെ ഹേമ കമ്മിറ്റിയ്ക്ക് മുന്നിൽ കൊണ്ടു വന്ന് അവർക്ക് നീതി വാങ്ങി കൊടുക്കാനും അവരുടെ കണ്ണീരൊപ്പാനും മുന്നിൽ നിന്ന സംഘടനയാണ് ഡബ്ല്യുസിസി. അവർ അഭിനന്ദനം അർഹിക്കുന്നുണ്ട്.
എന്നാൽ ഡബ്ല്യൂസിസിയുടെ സ്ഥാപകനേതാക്കളിൽ മുൻനിരയിൽ നിന്ന ഒരു നടി മൊഴി കൊടുത്തത് ഇങ്ങനെയൊരു സംഭവം കേട്ടുകേൾവി പോലുമില്ലെന്നാണെന്ന് അദ്ദേഹം പറയുന്നു. അവർ അങ്ങനെ ഡബ്ല്യൂസിസിയ്ക്ക് പണിയും കൊടുത്ത് സ്‌കൂട്ട് ആയി. മലയാള സിനിമയിൽ നടക്കുന്ന എല്ലാ കാര്യങ്ങളും വ്യക്തമായി അറിയുന്ന ഈ നടിയുടെ കാലുമാറ്റം എല്ലാവരേയും അമ്പരപ്പിക്കുന്നതായിരുന്നു.
ഡബ്ല്യൂസിസിയിലെ സ്ഥാപക അംഗമായ ഒരു നടി ഷൂട്ടിംഗിന് ആലപ്പുഴയിലെത്തി. അവിടുത്തെ ഹോട്ടലിലാണ് താമസം.അവിടെ അവരുടെ കാര്യങ്ങൾ നോക്കിയിരുന്നത് കുട്ടനാട്ടുകാരനായ റൂം ബോയ് ആയിരുന്നു. അവനോട് അവർ അനുകമ്പയോടെയും സഹോദര സ്‌നേഹത്തോടെയും ആയിരുന്നു പെരുമാറിയിരുന്നത്. എന്നാൽ ഒരു ദിവസം രാത്രി നടി ഒറ്റയ്ക്കുണ്ടായിരുന്നപ്പോൾ റൂം ബോയ് വന്ന് സ്‌പെയർ കീ ഉപയോഗിച്ച് വാതിൽ തുറന്ന് അകത്തു കയറി. കട്ടിലിൽ കയറി ഇരുന്നു. കുറച്ചുനേരം അവിടെയിരുന്ന് അവർ ഉറങ്ങുന്നത് കണ്ട് ആസ്വദിച്ചു. ശേഷം അവരെ തൊട്ടു. ഉടനെ നടി ചാടിയെഴുന്നേറ്റ്, നോക്കുമ്പോൾ കാണുന്നത് റൂം ബോയുടെ മുഖം. നടി കണ്ടതോടെ അവൻ ഇറങ്ങിയോടി. അവർ പിന്നാലെ ഓടി. ആകെ ബഹളമായി. പോലീസ് വന്ന് അവനെ കൊണ്ടു പോയി. എന്നാൽ ആ നടി തനിക്കുണ്ടാകുന്ന നാണക്കേട് ഭയന്ന് കേസ് പിൻവലിക്കാൻ പറഞ്ഞു. ആ സംഭവം രഹസ്യമാക്കി വെക്കാൻ അവർ എല്ലാവരോടും പറഞ്ഞുവെന്നാണ് അദ്ദേഹം പറയുന്നത്.
ഈ വിവരം അവർ ഹേമ കമ്മിറ്റിയിലും ഡബ്ല്യുസിസിയും ആരോടും പറഞ്ഞിട്ടില്ല. ഒരിക്കൽ മാധ്യമങ്ങൾ ഇതുപോലെ എന്തെങ്കിലും അനുഭവമുണ്ടായിട്ടുണ്ടോ എന്ന് ചോദിച്ചപ്പോൾ എന്റെ ജീവിതത്തിൽ അങ്ങനൊന്നും ഉണ്ടായിട്ടില്ലെന്നാണ് പറഞ്ഞത്. അവർ പറഞ്ഞത് പച്ചക്കള്ളം ആണ്.
Discussion about this post