ഫാഷന്റെ ഭാഗമായും മുടിയുടെ ഭംഗി കൂട്ടാനും വെളുത്ത മുടി മറയ്ക്കാനായുമൊക്കെ തലമുടിയിൽ കളർ പരീക്ഷണങ്ങൾ നടത്തുന്നവർ നിരവധി പേരാണ്. മിക്ക ആളുകൾക്കും ഇഷ്ടമുള്ള കാര്യമാണ് മുടി കളർ ചെയ്യുന്നത്. എന്നാൽ അതിൽ ആശങ്ക ഉണ്ടാക്കുന്ന കാര്യം എന്നത് കളർ ചെയ്താൽ മുടി ഭാവിയിൽ നരയ്ക്കുമോ എന്നുള്ളതാണ്. എന്നാൽ റിപ്പോർട്ടുകൾ പറയുന്നത്
ചായങ്ങളോ രാസവസ്തുക്കളോ ഉപയോഗിച്ച് ഒരാളുടെ സ്വാഭാവിക മുടിയുടെ നിറം മാറ്റുന്നത് നരയ്ക്ക് കാരണമാകുമെന്നാണ്. ഈ ഒരു വിശ്വാസം വർഷങ്ങളായി നിലനിൽക്കുന്നതാണ്. നിങ്ങളുടെ മുടി കളർ ചെയ്യുന്നത് യഥാർത്ഥത്തിൽ നരയിലേക്ക് നയിക്കുമോ, അതോ ഇതൊരു മിഥ്യയാണോ? ഈ ധാരണ എത്രത്തോളം ശരിയാണ് എന്ന് നോക്കിയാലോ ?
ആരോഗ്യവിദഗ്ധർ പറയുന്നത് മുടി കളറിംഗ് ചെയ്യ്താലും ഇല്ലെങ്കിലും യുവ തലമുറയുടെ മുടി അകാല നര അനുഭവിക്കുന്നുണ്ട് എന്നാണ്. ഇതിന് കാരണമായി പറയുന്നത് ജനിതകശാസ്ത്രം, പോഷകാഹാരക്കുറവ്, സമ്മർദ്ദം, മദ്യപാനം, പുകവലി തുടങ്ങിയ മോശം ജീവിതശൈലി തിരഞ്ഞെടുപ്പുകൾ, നിരവധി മെഡിക്കൽ അവസ്ഥകൾ, മലിനീകരണം, അൾട്രാവയലറ്റ് രശ്മികൾ, ഓക്‌സിഡേറ്റീവ് സമ്മർദ്ദം തുടങ്ങിയ പാരിസ്ഥിതിക ഘടകങ്ങൾ എന്നിവയാണ്.
ഹെയർ കളറിംഗ് ചെയ്യുന്നത് അകാല നരയ്ക്ക് വഴിതെളിക്കുന്നില്ല എന്നാണ് ആരോഗ്യവിദ്ഗധർ പറയുന്നത്. ഹെയർ ഡൈകൾ നിങ്ങളുടെ മുടിയുടെ പുറം പാളിയെ മാത്രമേ ബാധിക്കുകയുള്ളൂ. കഠിനമായ കെമിക്കൽ ഡൈകളുടെ പതിവ് ഉപയോഗം നിങ്ങളുടെ മുടിക്ക് കേടുപാടുകൾ വരുത്തുമെങ്കിലും, നിങ്ങളുടെ മുടി ഒറ്റരാത്രികൊണ്ട് നരയ്ക്കുന്നതിന് കാരണമാകില്ല.
ഉയർന്ന നിലവാരമുള്ള ഉൽപ്പന്നങ്ങൾ തിരഞ്ഞെടുക്കുക, , കർശനമായ മുടി സംരക്ഷണ ദിനചര്യ പിന്തുടരുക എന്നതാണ് ഹെയർ കളറിംഗ് ആസ്വദിക്കാൻ നിങ്ങൾ ചെയ്യേണ്ടത്
മുടിയുടെ നിറം മൂലമുണ്ടാകുന്ന കേടുപാടുകൾ കുറയ്ക്കാൻ വിദഗ്ധർ പറയുന്ന ചില ടിപ്പുകൾ ഇതാ:
*ഇരുണ്ടതോ താൽകാലികമോ ആയ നിറങ്ങൾ തിരഞ്ഞെടുക്കുക, ഇവയ്ക്ക് ബ്ലീച്ചിംഗ് ആവശ്യമില്ല,
* തല മുഴുവൻ കളർ ചെയ്യുന്നതിനുപകരം കുറച്ച് ചെയ്യാൻ മാത്രം ശ്രമിക്കുക.
* അമോണിയം ഇല്ലാത്ത ഉൽപ്പന്നങ്ങളും കുറഞ്ഞ കെമിക്കൽ ചായങ്ങളും തിരഞ്ഞെടുക്കുക. കാരണം അവ കാഠിന്യം കുറഞ്ഞതും ദീർഘകാല ഉപയോഗത്തിന് സുരക്ഷിതവുമാണ്.
* ആഴത്തിലുള്ള കണ്ടീഷനിംഗ് മാസ്‌കുകളും എണ്ണ ചികിത്സകളും പതിവായി പ്രയോഗിക്കുക.
*പ്രോട്ടീൻ , ബയോട്ടിൻ, സിങ്ക് എന്നിവ അടങ്ങിയ സമ്പുഷ്ടമായ ഭക്ഷണങ്ങൾ കഴിക്കാൻ ശ്രമിക്കുക .
