പുഷ്പ 2 പ്രീമിയർ ഷോയ്ക്കിടെ തിക്കിലും തിരക്കിലും പെട്ട് മരിച്ച രേവതിയുടെ കുടുംബത്തിന് സഹായവുമായി അല്ലു അർജുൻ.യുവതി മരിച്ച സംഭവത്തില് ദുഃഖം രേഖപ്പെടുത്തിയ താരം . സംഭവം തന്റെ ഹൃദയം തകര്ത്തുവെന്നും കുടുംബത്തിന്റെ അനുശോചനം അറിയിക്കുന്നുവെന്നും എക്സില് പങ്കുവച്ച വീഡിയോയില് പറഞ്ഞു. വൈകാതെ കുടുംബാംഗങ്ങളെ നേരിട്ട് കാണുമെന്നും അല്ലു അര്ജുന് അറിയിച്ചു. കുടുംബത്തിന് 25 ലക്ഷം ധനസഹായം നല്കുമെന്നും അല്ലു അര്ജുന് വ്യക്തമാക്കി.
സന്ധ്യ തീയറ്ററില് രാത്രി 11 മണിക്കാണ് പ്രീമിയര് ഷോ ഒരുക്കിയത്. തീയറ്ററിന് മുന്നില് മണിക്കൂറുകള്ക്ക് മുമ്പ് തന്നെ നൂറു കണക്കിന് ആരാധകര് തമ്പടിച്ചിരുന്നു. അതിനിടെ അല്ലു അര്ജുന് കുടുംബ സമേതം സിനിമ കാണാന് എത്തി. താരത്തെ കണ്ടതോടെ ആരാധകര് തീയറ്ററിലേക്ക് ഇടിച്ചുകയറി. നിയന്ത്രണം നഷ്ടപ്പെട്ടതോടെ പോലീസ് ലാത്തി വീശി. ഈ തിരക്കിനിടയില് പെട്ടാണ് ഹൈദരാബാദ് സ്വദേശി രേവതി കുഴഞ്ഞു വീഴുന്നത്. മരിച്ച രേവതിയുടെ മകൻ തേജ് (9) ഗുരുതരാവസ്ഥയിൽ ആശുപത്രിയിൽ ചികിത്സയിലാണ്
സംഭവത്തില് അല്ലു അര്ജുനെതിരെയും അദ്ദേഹത്തിന്റെ സുരക്ഷ സംഘത്തിനെതിരെയും, തീയറ്റര് മാനേജ്മെന്റിനെതിരെയും പോലീസ് കേസെടുത്തു. താരം എത്തുന്നത് പോലീസിനെ മുന്കൂട്ടി അറിയിച്ചില്ലെന്ന് ചൂണ്ടിക്കാട്ടിയാണ് നടപടി.
Discussion about this post