പ്രായമായവരെയും കൗമാരക്കാരെയും എല്ലാം ഒരു പോലെ അലട്ടുന്ന പ്രശ്നമാണ് നരച്ച മുടി. ഇതിന് പരിഹാരത്തിനായി പലവിധ വഴികള് തേടി മടുത്തവരാകും നമ്മളില് പലരും. അകാലനര ഒളിപ്പിക്കാന് ഹെയർഡൈ പോലുള്ള കൃത്രിമ മാർഗങ്ങൾ ആണ് മിക്കവരും സ്വീകരിക്കുക..
എന്നാല്, മുടിയെ നാം കൃത്യമായി സംരക്ഷിച്ചാൽ ഒരു തരത്തിലുള്ള കൃത്രിമത്വവും ഉപയോഗിക്കാതെ തന്നെ മുടിയെ ആരോഗ്യമുള്ളതാക്കാന് സാധിക്കും.
മുടിയുടെ നര മാറ്റാനായി പരമ്പരാഗതവും പ്രകൃതി ദത്തവുമായ മാർഗങ്ങളിലൂടെ കഴിയും. മുടിയുടെ നര മാറാനും ആരോഗ്യമുള്ള മുടിക്കുമായി പരമ്പരാഗതമായി ഉപയോഗിച്ചുവരുന്നതാണ് വെളിച്ചെണ്ണ. മുടിയുടെ നര തടയുന്നതിനും സംരക്ഷണത്തിനും ഉള്ള സ്വാഭാവിക ഗുണങ്ങൾ വെളിച്ചെണ്ണയിലുണ്ട്.
ഇതൊരു സ്വാഭാവിക സൺ സ്ക്രീൻ ആണ്. അതിനാൽ തന്നെ, മുടിയുടെ പുനരുജ്ജീവനത്തിനും നര തടയാനും ഇത് സഹായിക്കുന്നു. മുടിയുടെ വളർച്ച വർദ്ധിപ്പിക്കുന്നതിനൊപ്പം അകാല നര അകറ്റാനും വെളിച്ചെണ്ണ വളരെ മികച്ചതാണെന്ന് പഠനങ്ങൾ തെളിയിക്കുന്നു.
വെളിച്ചെണ്ണയ്ക്കൊപ്പം നാരങ്ങാ നീര് കൂടി ചേര്ത്തു ഉപയോഗിക്കുന്നത് നര മാറ്റുന്നതിന് കൂടുതൽ ഫലപ്രദമാകുമെന്ന് ആണ് പറയപ്പെടുന്നത്. നരച്ച മുടി കറുപ്പിക്കാനായി സാധാരണയായി ഉപയോഗിക്കുന്ന ഒരു വീട്ടുവൈദ്യമാണ് നാരങ്ങ നീര് കലർത്തിയ വെളിച്ചെണ്ണ. ഫ്രീ റാഡിക്കലുകളെ ചെറുക്കുകയും ഓക്സിഡേറ്റീവ് സ്ട്രെസ് കുറയ്ക്കുകയും ചെയ്യുന്ന ആന്റി ഓക്സിഡന്റുകളാൽ സമ്പന്നമാണ് നാരങ്ങ.
ഇത് രണ്ടും ചേര്ത്തു എങ്ങനെയാണ് തലയില് ഉപയോഗിക്കുക എന്ന് നോക്കാം..
ആദ്യം ഒരു പാത്രത്തിൽ 3 ടേബിൾ സ്പൂൺ വെളിച്ചെണ്ണയും 3 ടീ സ്പൂൺ നാരങ്ങാ നീരും മിക്സ് ചെയ്ത് നിങ്ങളുടെ മുടിയിലും തലയോട്ടിയിലും നല്ലതു പോലെ തേച്ചുപിടിപ്പിക്കുക. ഒരിക്കലും നാരങ്ങാ നീര് മാത്രമായി മുടിയിൽ തേച്ചുപിടിപ്പിക്കരുത്. ഇതിന് ശേഷം, തല മറയ്ക്കാനായി ഒരു ഷവർ തൊപ്പി ഉപയോഗിക്കുകയാണെങ്കിൽ ഈ മിശ്രിതം മുടിയിൽ നന്നായി കലരുന്നതിന് സഹായിക്കും. 45- 60 മിനിട്ടിന് ശേഷം തണുത്ത വെള്ളത്തിൽ കഴുകിക്കളയാം. ആഴ്ചയിൽ ഒരിക്കൽ ഇങ്ങനെ ചെയ്യുന്നത് മുടിയുടെ നര കുറയ്ക്കുന്നതിന് സഹായിക്കും.
Discussion about this post