മലപ്പുറം: പി വി അൻവര് എംഎല്എ അറസ്റ്റില്. നിലമ്പൂർ ഫോറസ്റ്റ് ഓഫീസ് ഡിഎംകെ പ്രവർത്തകർ തകർത്ത സംഭവത്തില് ആണ് അറസ്റ്റ്. അൻവറിന്റെ ഒതായിയിലെ വീട്ടിലെത്തിയാണ് നിലമ്പൂർ പോലീസ് അറസ്റ്റ് രേഖപ്പെടുത്തിയത്.
ഇതിന് പിന്നാലെ വൈദ്യ പരിശോധനക്കായി അദ്ദേഹത്തെ ആശുപത്രിയില് എത്തിച്ചു. അൻവറിനൊപ്പം ഫോറസ്റ്റ് ഓഫിസ് ആക്രമിച്ച 4 പേരെയും പോലീസ് കസ്റ്റഡിയിൽ എടുത്തിട്ടുണ്ട്.
അതേസമയം, സംഭവത്തില് മുഖ്യമന്ത്രി പിണറായി വിജയനെതിരെ പി വി അൻവര് രൂക്ഷ വിമര്ശനം ഉന്നയിച്ചു. പിണറായി വിജയന്റേത് ഭരണകൂട ഭീകരതയെന്ന് അദ്ദേഹം പ്രതികരിച്ചു. പുറത്തിറങ്ങിയാല് കാണിച്ചുതരാമെന്ന് മുന്നറിയിപ്പ് നല്കിയ പി വി അൻവര് മുഖ്യമന്ത്രിയുടെ നിര്ദേശ പ്രകാരമാണ് അറസ്റ്റെന്നും ആരോപിച്ചു.
എത്ര കൊലക്കൊമ്പൻമാരാണ് ഇവിടെ ജാമ്യത്തിൽ കഴിയുന്നത്. ആരെയും അറസ്റ്റ് ചെയ്യുന്നില്ലല്ലോ. ഇതെല്ലാം പിണറായിയുടെ വാക്കിൽ ചെയ്യുന്നതാണ്. കൊള്ള നടത്തിയിട്ടോ കൊല നടത്തിയിട്ടോ അല്ല എന്നെ കൊണ്ടുപോകുന്നത്. ജനങ്ങൾക്ക് പ്രതിഷേധിക്കാൻ അവകാശമില്ലേ. കേരളത്തിലെ പോലീസിന്റെ കളളത്തരങ്ങൾ ജനങ്ങളോട് പറഞ്ഞതോടെയാണ് ഞാൻ പിണറായിക്കെതിരായത്’- പി വി അന്വര് കുറ്റപ്പെടുത്തി.
Discussion about this post