ചര്മത്തിന് ചെറുപ്പം നില നിര്ത്താന് ഇന്നത്തെ കാലത്ത് പലരും പല വഴികളും പരീക്ഷിക്കാറുണ്ട്. ഇതില് ഒന്നാണ് ഫേഷ്യല്. ഇന്നത്തെ കാലത്ത് പല തരം ഫേഷ്യലുകള് നിലവിലുണ്ട്. ഇവയില് ഇപ്പോൾ ഏറെ ശ്രദ്ധ നേടിയ ഒന്നാണ് ഹൈഡ്ര ഫേഷ്യല്. ഒരുപാട് വില ആയതുകൊണ്ട് തന്നെ പലർക്കും ഇത് ചെയ്യാൻ സാധിക്കുന്നില്ല.
എന്നാല്, അങ്ങനെയുള്ളവര് ഒട്ടും വിഷമിക്കേണ്ട.. വീട്ടില് തന്നെ നമുക്കിത് ചെയ്യാന് സാധിയ്ക്കും. അതും തികച്ചും നാച്വറല് ചേരുവകള് വച്ച്. എങ്ങനെയെന്നു എന്നറിയാം.
സാധാരണയായി ഹൈലോറൂണിക് ആസിഡാണ് ഹൈഡ്ര ഫേഷ്യലിന്റെ പ്രധാന ഘടകം. ഇത് നമ്മുടെ ശരീരത്തില് കോശങ്ങള് തന്നെ സാധാരണ ഗതിയില് ഉല്പാദിപ്പിയ്ക്കുന്നുണ്ട്. ഇതിന് സഹായിക്കുന്ന ചില പ്രത്യേക ഭക്ഷണങ്ങളും ഉണ്ട്.
നാല് സ്റ്റെപ്പുകളാണ് ഇതിനായി വേണ്ടത്. ക്ലെന്സിംഗ്, എക്സ്ഫോളിയേഷന്, നറിഷിംഗ്, ഓവറോള് പ്രൊട്ടക്ഷന് എന്നിവയാണ് ഈ 4 സ്റ്റെപ്പുകൾ.
എങ്ങനെയാണ് ക്ലെന്സിംഗ് ചെയ്യുക എന്നല്ലേ… മുഖം വൃത്തിയാക്കിയ ശേഷം പച്ചപ്പാല് മുഖത്ത് പുരട്ടി മസാജ് ചെയ്യാം. മൂന്ന് ടേബിള്സ്പൂണ് പാലില് ഒരു ടേബിള്സ്പൂണ് റോസ് വാട്ടര് കൂടി ചേര്ത്തിളക്കി കോട്ടന് കൊണ്ട് മുഖത്തും കഴുത്തിയും പുരട്ടിക്കൊടുക്കാം. ഇത് രണ്ടു മൂന്നു തവണ മാറി മാറി തുടച്ച് ചെയ്യുക.
ഇനി അടുത്തത് ആണ് സ്ക്രബിംഗ്. അരിപ്പൊടിയാണ് വേണ്ടത് ഇതിന് വേണ്ടത് . അരിപ്പൊടി ചെറിയ തരികളുള്ളത് ഉപയോഗിയ്ക്കുക. അതേ സമയം മൃദുവായത് വേണം. ഇത് ഒരു സ്പൂണ് എടുത്ത് അതില് തേന് കൂടി ചേര്ത്ത് മുഖത്ത് പതുക്കെ സ്ക്രബ് ചെയ്യാം. നെറ്റി, മൂക്കിന്റെ വശങ്ങള്, താടി എന്നിവിടങ്ങളിലാണ് ഇത് കൂടുതലായി ചെയ്യേണ്ടത്.
വരണ്ട ചര്മത്തിന് തേനിന് പകരം തൈര് എടുക്കാം. ഇത് മുഖത്ത് മസാജ് ചെയ്ത് 5 മിനിറ്റ് കഴിയുമ്പോള് തണുത്ത വെളളത്തില് കോട്ടന് മുക്കി ഇത് തുടച്ചെടുക്കുക. ഇനി അടുത്തതായി കുക്കുമ്പര് അരച്ചെടുക്കണം. ഇതിലേക്ക് അല്പം ഗ്ലിസറിന്, കറ്റാര്വാഴ ജെല് എന്നിവ കലര്ത്താം. ഇത് മുഖത്ത് നല്ലതുപോലെ മസാജ് ചെയ്ത് പുരട്ടാം. ഇത് 5 മിനിറ്റ് മസാജ് ചെയ്യാം. ഇത് തുടച്ചെടുക്കാം. ഇതിന് ശേഷം ഐസ്ക്യൂബ് മുഖത്ത് പുരട്ടാം. ഇത്തരത്തില് തയ്യാറാക്കുന്ന ഐസ്ക്യൂബ് വീട്ടില് തയ്യാറാക്കാം.
ഇതിനായി കറ്റാര്വാഴ ജെല്, ഇതിലേക്ക് ഒരു കഷ്ണം കുക്കുമ്പര് എന്നിവ അരച്ച് നേരത്തെ ഐസ്ക്യൂബാക്കി തയ്യാറാക്കാം. ഈ ഐസ്ക്യൂബ് മുഖത്ത് പുരട്ടാം. ഇതു പിന്നീട് തുടച്ചെടുക്കാം
പിന്നീട് മുഖത്ത് ഒരു പായ്ക്കിടാനായി മുള്ത്താണി മിട്ടി ഉപയോഗിയ്ക്കാം. ഇത് ചര്മത്തിന് തിളക്കം നല്കും. ഇതില് ഗ്ലിസറിന് ചേര്ക്കാം. ഇത് മുഖത്ത് എല്ലായിടത്തും പുരട്ടി വയ്ക്കാം. മസാജ് ചെയ്യരുത്. 10 മിനിറ്റ് കഴിഞ്ഞ് മുഖം കഴുകുകയോ മുഖം തുടയ്ക്കുകയോ ആകാം. ഇത് ആഴ്ചയില് ഒരു ദിവസം ചെയ്യുന്നത് തന്നെ ഏറെ ഗുണം നല്കും. മുഖത്തിന് ചെറുപ്പവും തിളക്കവും നല്കും.
Discussion about this post