ചിക്കന്‍ പാചകം ചെയ്യുന്നതിന് മുമ്പ് പലരും അതില്‍ നാരങ്ങനീര് ചേര്‍ത്ത് അല്‍പ്പനേരം വെക്കാറുണ്ട്. ചിക്കന്‍ രുചികരവും മൃദുവുമാകുന്നുവെന്ന വിചാരമാണ് ഇതിന് പുറകില്‍. കൂടാതെ ഹോട്ടലുകളില്‍ ചിക്കനൊപ്പം സവാളയും ഒപ്പം നാരങ്ങാനീരുമെല്ലാം കൊണ്ടുവയ്ക്കുന്നതും നാം കണ്ടുകാണും. വാസ്തവത്തില്‍ എന്തിനായിരിക്കും ഇത്.
ചിക്കന്‍ ഇരുമ്പ് കൊണ്ട് സമ്പുഷ്ടമായ ഭക്ഷണമാണ്. ഈ ഇരുമ്പിനെ ശരീരം നല്ലതുപോലെ ആഗിരണം ചെയ്യണമെങ്കില്‍ അതിനൊപ്പം വൈറ്റമിന്‍ സി കൂടി വേണം. നാരങ്ങ വൈറ്റമിന്‍ സി സമ്പുഷ്ടമാണ്. ഇതാണ് ചിക്കനൊപ്പം നാരങ്ങാനീര് കൂടി പിഴിഞ്ഞൊഴിച്ച് കഴിയ്ക്കാന്‍ പറയുന്നതിന്റെ ഒരു കാര്യം. അതുമാത്രമല്ല ഇതുപോലെ കാല്‍സ്യവും ചിക്കനിലുണ്ട്. ഇതും ശരീരം ശരിയായി വലിച്ചെടുക്കാന്‍ വൈറ്റമിന്‍ സി കൂടി ആവശ്യ ഘടകമാണ്.
ചിക്കനിലെ പ്രോട്ടീനുകളെ ചെറുഘടകങ്ങളാക്കി മാറ്റാനും ചിക്കന്‍ കൂടുതല്‍ മൃദുവാക്കാനും ഇത് നല്ലതാണ്. നാരങ്ങയിലെ സിട്രിക് ആസിഡാണ് ഈ ഗുണം നല്‍കുന്നത്. പ്രോട്ടീന്‍ ചെറുകണികകളായി മാറുന്നതിലൂടെ ദഹനം എളുപ്പമാകുന്നു. പ്രോട്ടീന്‍ പെട്ടെന്ന് തന്നെ ശരീരത്തിന് ഉപയോഗപ്പെടുത്താനും സാധിയ്ക്കുന്നു.
നാരങ്ങ ദഹനത്തിന് വളരെയധികം സഹായിക്കുന്ന ഒന്ന് കൂടിയാണ്. ഇതിനാല്‍ ഇത് ചിക്കനില്‍ മാത്രമല്ല ഏത് ഇറച്ചി വിഭവങ്ങളില്‍ ചേര്‍ക്കുന്നതും പെട്ടെന്ന് ദഹനം നടക്കാന്‍ സഹായിക്കുന്ന ഒന്നു കൂടിയാണ്.
Discussion about this post