നമ്മുടെ ദേശീയ പക്ഷിയാണ് മയിൽ. വന്യജീവി സംരക്ഷണ നിയമപ്രകാരം സംരക്ഷിത പക്ഷിയാണിത്.കോഴികളും ടർക്കികളുമൊക്കെ ഉൾപ്പെടുന്ന ജവമശെമിശറമല കുടുംബത്തിലെ അംഗമാണ് മയിൽ. അതിൽ പെട്ട ‘പാവോ’ ജനുസിൽ ആണ് മയിലിനെ ഉൾപ്പെടുത്തിയിട്ടുള്ളത്.
1988 മുതലുള്ള കണക്കുകൾ പരിശോധിച്ചാൽ ഇന്ത്യയിൽ മയിലിന്റെ എണ്ണത്തിൽ 150 ശതമാനമാണ് വർധനയുണ്ടായത്. കേരളത്തിൽ ഒരുകാലത്ത് അപൂർവമായി മാത്രം കണ്ടിരുന്ന മയിലുകൾ ഇന്ന് എണ്ണത്തിൽ പെരുകി. കഴിഞ്ഞ കുറച്ചു പതിറ്റാണ്ടുകൾ കൊണ്ടാണ് കേരളത്തിൽ മയിലുകളുടെ എണ്ണത്തിൽ ഇത്രയധികം വർധനയുണ്ടാകുന്നത്.
മയിലുകളുടെ എണ്ണപ്പെരുക്കം കാലാവസ്ഥാമാറ്റത്തിന്റെ ലക്ഷണങ്ങളിലൊന്നായാണ് വിദഗ്ധർ കാണുന്നത്. വരാനിരിക്കുന്ന വരണ്ട കാലാവസ്ഥയുടെ മുന്നറിയിപ്പ് കൂടിയാണ് മയിലുകൾ. മയിലുകളുടെ എണ്ണം വർദ്ധിക്കുന്നത് കാലാവസ്ഥാ വ്യതിയാനത്തിന്റെ ലക്ഷണമായാണ് കണക്കാക്കുന്നത്. കേരളത്തിൽ പാലക്കാട്, തൃശൂർ, മലപ്പുറം തുടങ്ങിയ ജില്ലകളിൽ ആയിരുന്നു മയിലുകൾ കൂടുതലായി ഉണ്ടായിരുന്നത്.എന്നാൽ ഇപ്പോൾ വയനാട്ടിലെ വയൽ പ്രദേശങ്ങളിൽ പോലും മയിലുകൾ കൂട്ടത്തോടെ എത്തുകയാണ്. വർഷങ്ങളായി നടത്തിവരുന്ന സംരക്ഷണ പദ്ധതികളും ഈ എണ്ണപ്പെരുക്കത്തിന് സഹായിച്ചിട്ടുണ്ടെന്നതും ചേർത്ത് വായിക്കേണ്ടതാണ്.
Discussion about this post