ന്യൂഡൽഹി: മഹാകുംഭമേളയിൽ പ്രധാനമന്ത്രി നരേന്ദ്രമോദി പങ്കെടുക്കും.ഇന്ന് പ്രയാഗ് രാജിലെത്തുന്ന അദ്ദേഹം ത്രിവേണി സംഗമത്തിൽ പുണ്യ സ്‌നാനം ചെയ്യും. രാവിലെപത്തുമണിയോടെയാണ് അദ്ദേഹം പ്രയാഗ് രാജ് വിമാനത്താവളത്തിൽ എത്തുന്നത്. പത്തുമണിക്കുംപതിനൊന്നരയ്ക്കും ഇടയിലാണ് പുണ്യ സ്‌നാനം നിർവ്വഹിക്കുക.
പ്രയാഗ്രാജിലെത്തുന്ന പ്രധാനമന്ത്രി 10.10-ന് വിമാനത്താവളത്തിൽനിന്ന് ഡി.പി.എസ്. ഹെലിപ്പാഡിലെത്തും. പത്തേമുക്കാലോടെ അരൈൽ ഘട്ടിലേക്ക്. 10.50-ഓടെ അരൈൽ ഘട്ടിൽനിന്ന്ബോട്ട്മാർഗം മഹാകുംഭിലേക്ക്. 11-നും 11.30-നും ഇടയിൽ പുണ്യസ്നാനം നിർവഹിച്ച ശേഷം11.45-ഓടെ അരൈൽ ഘട്ടിലേക്ക് മടങ്ങും. ശേഷം ഡി.പി.എസ്. ഹെലിപ്പാഡിലേക്ക്. തുടർന്ന്പ്രയാഗ്രാജ് വിമാനത്താവളത്തിലേക്ക്. അവിടെനിന്ന് എയർഫോഴ്സ് വിമാനത്തിൽ ന്യൂഡൽഹിയിലേക്ക് മടങ്ങും.
2019ൽ നടന്ന കുംഭമേളയിൽ പങ്കെടുത്ത മോദി ശുചീകരണ തൊഴിലാളികളുടെ പാദം കഴുകി ആദരിച്ചിരുന്നു.
Discussion about this post