കാലിഫോര്ണിയ: ഈ വര്ഷത്തെ ആദ്യ ഉല്പ്പന്ന ലോഞ്ച് ഫെബ്രുവരി 19ന് നടത്തുമെന്ന് ആപ്പിള് സ്ഥിരീകരിച്ചിരുന്നു. അത് ഐഫോണ് എസ്ഇ 4 ആണെന്നാണ് റിപ്പോര്ട്ടുകള്. മൂന്ന് വര്ഷത്തിന് ശേഷമാണ് ആപ്പിള് ബജറ്റ്-ഫ്രണ്ട്ലി ഐഫോണ് പുറത്തിറക്കുന്നത്. വില, സ്പെസിഫിക്കേഷനുകള് തുടങ്ങി ഐഫോണ് എസ്ഇ 4നെ്ക്കുറിച്ച് അറിയാം.
ഐഫോണ് 14-ന്റെ അതേ ഡിസൈനും ഡിസ്പ്ലേയും ഐഫോണ് എസ്ഇ 4ലും ആവര്ത്തിക്കും എന്നാണ്് റിപ്പോര്ട്ടുകള്. അതായത് 60Hz റിഫ്രഷ് റേറ്റ് ഉള്ള 6.1 ഇഞ്ച് ഒഎല്ഇഡി പാനല് എസ് 4ല് ഉണ്ടാകാം അതുപോലെ തന്നെ ഐഫോണ് എസ്ഇ 4ന്റെ മുന്വശത്ത് ആപ്പിള് ഒരു നോച്ച് ഡിസൈന് ഉപയോഗിക്കുമെന്ന് പ്രതീക്ഷിക്കുന്നു, പുതിയ ഐഫോണുകളിലേക്ക് ഡൈനാമിക് ഐലന്ഡ് കൊണ്ടുവരുന്നതിന് മുമ്പ് കമ്പനി ഉപയോഗിച്ചിരുന്ന ഡിസൈനാണിത്. ഹോം ബട്ടണിന്റെ അവസാനവും ഫേസ് ഐഡിയുടെ തുടക്കവും ഇതിലുണ്ടാകുമെന്നാണ് വിവരം.
പുറത്തുവന്ന ചിത്രങ്ങള് സൂചിപ്പിക്കുന്നത് ആപ്പിളിന്റെ സമീപകാല ഡിസൈന് ഫിലോസഫിക്ക് അനുസൃതമായി, വൃത്താകൃതിയിലുള്ള അരികുകളുള്ള ഒരു ബോക്സി ഫ്രെയിം ആയിരിക്കും ഐഫോണ് എസ്ഇ 4ന് ഉണ്ടായിരിക്കുക എന്നാണ്. എസ്ഇ 4 മോഡല് 48 മെഗാപിക്സലിന്റെ സിംഗിള്-ലെന്സ് ക്യാമറ സജ്ജീകരണമായിരിക്കും അവതരിപ്പിക്കുക എന്നാണ് സൂചന.
എന്നാല് ഐഫോണ് എസ്ഇ 4ല് ഐഫോണ് 16 മോഡല് ക്യാമറ കണ്ട്രോള് യൂണിറ്റോ ആക്ഷന് ബട്ടണോ പ്രതീക്ഷിക്കരുതെന്നാണ് റിപ്പോര്ട്ടുകള് പറയുന്നത്. ഏറ്റവും പുതിയ ചോര്ന്ന ചിത്രങ്ങള് ഒരു മള്ട്ടി-ഫംഗ്ഷന് ബട്ടണിന്റെ ലക്ഷണമൊന്നും കാണിക്കുന്നില്ല. ഐഫോണ് 16 ശ്രേണിയിലെ അതേ എ18 പ്രൊസസറാണ് എസ്ഇ 4നും കരുത്ത് പകരുക എന്നും റിപ്പോര്ട്ടുകള് ഉണ്ട്.
ഐഫോണ് എസ്ഇ 4ന്റെ അടിസ്ഥാന വേരിയന്റിന് 499 ഡോളര് വില പ്രതീക്ഷിക്കുന്നു. അതായത് ഇന്ത്യയില് ഏകദേശം 50,000 രൂപ വിലവരും. ഐഫോണ് എസ്ഇ 4ന്റെ പ്രീ-ഓര്ഡറുകള് ഫെബ്രുവരി 21 മുതല് ആരംഭിക്കാന് സാധ്യതയുണ്ട്. ഫെബ്രുവരി 28 മുതല് ഫോണ് വില്പ്പനയ്ക്കെത്തും എന്നാണ് റിപ്പോര്ട്ട്.
Discussion about this post