രണ്ടല്ലി വെളുത്തുള്ളി മതി; കൊതുക് വീടിന്റെ ഏഴയലത്ത് വരില്ല

ഇനി കൊതുകുകളുടെ കാലമാണ്. വേനൽ കാലത്ത് അടിയ്ക്കടി ലഭിക്കുന്ന മഴ കൊതുക് ശല്യം രൂക്ഷമാക്കും. ഗ്രാമനഗര വ്യത്യാസം ഇല്ലതെ ഇപ്പോൾ തന്നെ കൊതുകിനെ കൊണ്ട് പൊറിതി മുട്ടിയവരാകും ഭൂരിഭാഗം പേരും. കാഴ്ചയ്ക്ക് കുഞ്ഞനാണെങ്കിലും കൊതുകുകളെ അത്രയ്ക്ക് നിസ്സാരക്കാരായി കാണരുത്. കാരണം മാരക രോഗാണുക്കൾ വഹിക്കാൻ ശേഷിയുള്ള ജീവികളാണ് കൊതുകുകൾ.

ഡെങ്കിപ്പനി, ചിക്കൻഗുനിയ തുടങ്ങിയ രോഗങ്ങൾക്ക് കൊതുകുകൾ കാരണം ആകും. ഈ രോഗങ്ങൾ ബാധിച്ചാൽ ജീവഹാനി പോലും സംഭവിക്കാം. അതുകൊണ്ട് തന്നെ ഇവയുടെ കടിയിൽ നിന്നും നാം സ്വയം രുക്ഷ തേടിയേ മതിയാകൂ. കൊതുകുകളെ തുരത്താൻ സാധാരണയായി രാസവസ്തുക്കൾ അടങ്ങിയ കോയിലും ലിക്വിഡും ഒക്കെ ആയിരിക്കും നാം ഉപയോഗിക്കുക. ഇത് സ്ഥിരമായി ശ്വസിക്കുന്നത് വലിയ ആരോഗ്യപ്രശ്‌നത്തിലേക്ക് വഴിവയ്ക്കും. അതിനാൽ കൊതുകിനെ തുരത്താൻ നമുക്ക് ചില പ്രകൃതിദത്ത മാർഗ്ഗങ്ങൾ സ്വീകരിക്കാം.

വെള്ളം കെട്ടിക്കിടക്കുന്ന സ്ഥലങ്ങൾ ആണ് കൊതുകുകളുടെ ആവാസ കേന്ദ്രം. അതുകൊണ്ട് തന്നെ ഇത് ഒഴിവാക്കണം. വീട്ടിലോ പരിസരത്തോ വള്ളം കെട്ടി നിൽക്കാൻ അനുവദിക്കരുത്. അതുപോലെ തന്നെ വീടും പരിസരവും വൃത്തിയായി സൂക്ഷിക്കണം. വീടിന്റെ പരിസരത്ത് അനാവശ്യമായി ചെടികൾ വളർന്ന് നിൽക്കുന്ന സന്ദർഭവും ഒഴിവാക്കണം.

കൊതുകെ വീട്ടിൽ നിന്നും തുരത്തനുള്ള നല്ല മാർഗ്ഗമാണ് വെളുത്തുള്ളി. വെളുത്തുള്ളി ചതച്ച് വെള്ളത്തിൽ ഇട്ട് തിളപ്പിക്കുക. ഈ വെള്ളം മുറിയിൽ തളിച്ചാൽ കൊതുക് വരില്ല. കൊതുകിനെ തുരത്താൻ മുറിയിൽ പച്ചകർപ്പൂരം കത്തിച്ച് വയ്ക്കുന്നതും ഗുണം ചെയ്യും.

നാരങ്ങ ഗ്രാമ്പൂ എന്നിവയും കറുവപ്പട്ടയും ചേർത്ത് തിളപ്പിച്ച വെള്ളം മുറിയിൽ സ്േ്രപ ചെയ്യാം. ഇതും കൊതുകുകളെ അകറ്റി നിർത്തും. ഉണങ്ങിയ ആര്യവേപ്പിലയും കർപ്പൂരവും ഒന്നിച്ച് കത്തിച്ച് പുകയ്ക്കുന്നതും കൊതുക് ശല്യം തടയാൻ നല്ലതാണ്.