മലപ്പുറം: മലപ്പുറം താനൂരിൽ നിന്ന് കാണാതായ പ്ലസ് ടു വിദ്യാർ‌ത്ഥികളായ പെൺകുട്ടികൾ മുംബയിൽ എത്തിയതായി സ്ഥിരീകരിച്ച് പോലീസ്. ഫാത്തിമ ഷഹദ (15), അശ്വതി (16) എന്നീ വിദ്യാർത്ഥികൾക്കൊപ്പം എടവണ്ണ സ്വദേശിയായ അക്ബർ റഹീം എന്ന യുവാവും ഉണ്ടെന്നാണ് വിവരം.
മുംബൈയിൽ നിന്നുള്ള ട്രെയിൻ യാത്രയ്ക്കിടെ ലോണാവാലയിലാണ് ഇവരെ കണ്ടെത്തിയത്. മുംബൈ സിഎസ്‌എംടിയിൽ നിന്ന് ചെന്നൈ എഗ്മോർ ട്രെയിനിലായിരുന്നു ഇവരുടെ യാത്ര. റെയിൽവേ പോലീസ് ആണ് കുട്ടികളെ കണ്ടെത്തിയത്.
മൊബൈൽ ഫോൺ ലൊക്കേഷൻ കേന്ദ്രീകരിച്ചുള്ള അന്വേഷണമാണ് ഇവരെ കണ്ടെത്തുന്നതിൽ നിർണായകമായത്. ആർപിഎഫ് ഇവരെ പൂണെയിലെത്തിച്ച് കേരള പോലീസിന് കൈമാറും.
കുട്ടികളെ ഇൻസ്റ്റഗ്രാം വഴിയാണ് അക്ബർ റഹീം പരിചയപ്പെട്ടതെന്നാണ് പോലീസ് സംശയിക്കുന്നത്.എന്നാൽപെൺകുട്ടികളെ കോഴിക്കോട് റെയിൽവേ സ്റ്റേഷനിൽ വച്ച് പരിചയപ്പെട്ടതെന്നാണ് അക്ബർ റഹിം പോലീസിനോട് പറഞ്ഞത്.
മുംബൈയിലേക്ക് പോകാനുള്ള കുട്ടികളുടെ പ്ലാൻ മനസിലാക്കിയ റഹിം കോഴിക്കോട് റെയിൽവേ സ്റ്റേഷനിലെത്തി. റഹീമിനും മുംബൈയിലേക്കുള്ള ടിക്കറ്റുകൾ എടുത്തു നൽകിയത് കുട്ടികളാണ്. പോലീസ് പിന്തുടരുന്നത് മനസിലാക്കിയതോടെ റഹീം തിരിച്ചുവരാൻ ഒരുങ്ങി. പോലീസിന്റെ നിർദ്ദേശപ്രകാരം നിലവിൽ ഇയാൾ മുംബയിൽ തന്നെ തുടരുകയാണെന്നും പോലീസ് അറിയിച്ചു.
ഇന്നലെ ഉച്ചയ്ക്ക് ഒരു മണിക്ക് പെൺകുട്ടികൾ ട്രെയിൻ മാർഗമാണ് മുംബയിലേക്ക് പോയത്. കുട്ടികൾ കോഴിക്കോട് റെയിൽവേ സ്റ്റേഷനിൽ നിന്ന് ഇന്ന് രാവിലെ 11 മണിയോടെ പനവേൽ റെയിൽവേ സ്റ്റേഷനിൽ എത്തി. അവിടെ നിന്ന് ട്രെയിൻ മാർഗം മുംബയ് സി.എസ്.ടിയിൽ എത്തിയെന്നാണ് വിവരം. റെയൽവേ സ്റ്റേഷന് സമീപമുള്ള സലൂണിൽ പെൺകുട്ടികൾ മുടിവെട്ടിയതായും പോലീസിന് വിവരം ലഭിച്ചു. ഇതിന്റെ സിസി ടിവി ദൃശ്യങ്ങളും പുറത്തുവന്നിട്ടുണ്ട്.
താനൂർ ദേവതാർ ഹയർ സെക്കൻഡറി സ്കൂളിലെ വിദ്യാർഥിനികളായ അശ്വതി, ഫാത്തിമ ഷഹദ എന്നിവർ പരീക്ഷക്കായാണ് സ്കൂളിലേക്ക് പോയത്. ഇന്നലെ ഉച്ചയോടെ പരീക്ഷിക്കിറങ്ങിയ കുട്ടികളെയാണ് കാണാതായത്. കുട്ടികൾ പരീക്ഷ എഴുതാൻ എത്താതായതോടെയാണ് അധ്യാപകർ വിവരം ബന്ധുക്കളെ അറിയിക്കുന്നത്. ബന്ധുക്കളുടെ പരാതിയിൽ ആണ് പോലീസ് അന്വേഷണം ആരംഭിച്ചത്.
Discussion about this post