കൊച്ചി; എറണാകുളം ജനറൽ ആശുപത്രിയിൽ കോൺക്രീറ്റ് പാളി അടർന്നുവീണു. തലനാരിഴയ്ക്കാണ് വൻ അപകടവം ഒഴിവായത്. പോസ്റ്റ് ഓപ്പറേറ്റീവ് വാർഡിലെ കട്ടിലിലേക്കാണു കോൺക്രീറ്റ് പാളി വീണത്. കട്ടിലിൽ കുഞ്ഞുമായിരുന്ന മുത്തശ്ശി കുഞ്ഞിനെയും എടുത്തോണ്ട് പുറത്തേക്ക് ഓടുകയായിരുന്നു. ഒപ്പം അമ്മയും പുറത്തേക്ക് ഓടി രക്ഷപ്പെടുകയായിരുന്നു.
ജനിച്ച് 12 മണിക്കൂർ മാത്രം പ്രായമുള്ള കുഞ്ഞിനെയും എടുത്താണ് പ്രായമുള്ള സ്ത്രീ പുറത്തേക്ക് ഓടിയത്.നവജാതശിശുക്കളും അമ്മമാരും കൂട്ടിരിപ്പുകാരുമായി 7 പേരാണ് അപകടസമയത്ത് വാർഡിലുണ്ടായിരുന്നത്. ഉച്ചതിരിഞ്ഞു 3 മണിയോടെ ആയിരുന്നു അപകടം.
പോസ്റ്റ് ഓപ്പറേറ്റീവ് വാർഡ് ഉൾപ്പെടുന്ന കെട്ടിടം വളരെ ശോചനീയ അവസ്ഥയിലാണെന്ന് രോഗികൾ പറഞ്ഞു. മേൽക്കൂരയിൽ പലയിടത്തും വിള്ളലുണ്ട്.അപകടം നടന്നയുടനെ ആശുപത്രിയിലെ സുരക്ഷാ ജീവനക്കാർ എത്തി വാർഡിലെ ആളുകളെ മാറ്റി. ജനറൽ ആശുപത്രിയിലെ പല കെട്ടിടങ്ങളും അപകടാവസ്ഥയിലാണെന്നു രോഗികൾ പറഞ്ഞു.
Discussion about this post