തിരുവനന്തപുരം: അന്തരിച്ച മുതിര്‍ന്ന സിപിഐഎം നേതാവും മുന്‍ എംപിയും എംഎല്‍എയുമായിരുന്ന എ അനിരുദ്ധന്റെ മകന്‍ കസ്തൂരി അനിരുദ്ധന്‍ ഹിന്ദു ഐക്യവേദി തിരുവനന്തപുരം ജില്ലാ പ്രസിഡന്റായി ചുമതലയേറ്റു. മുന്‍ എംപി എ സമ്പത്തിന്റെ സഹോദരന്‍ കൂടിയാണ് കസ്തൂരി അനിരുദ്ധന്‍.
ഹിന്ദു ഐക്യ വേദി നേതാവ് ശശികല ടീച്ചറാണ് കസ്തൂരിയെ തിരഞ്ഞെടുത്ത വിവരം സോഷ്യൽമീഡിയയിലൂടെ പുറത്ത് വിട്ടത്. എസ്എഫ്ഐ നേതാവും തിരുവനന്തപുരം എഞ്ചിനീയറിങ് കോളേജിന്റെ യൂണിയൻ ചെയർമാനുമായിരുന്നു കസ്തൂരി.
തിരുവനന്തപുരം ജില്ലയില്‍ സി.പി.എം കെട്ടിപ്പടുക്കുന്നതില്‍ നിര്‍ണായക പങ്കുവഹിച്ച നേതാവായിരുന്നു കെ. അനിരുദ്ധന്‍. അവിഭക്ത കമ്യൂണിസ്റ്റ് പാര്‍ട്ടിയുടെ സംസ്ഥാന സമിതി അംഗമായിരുന്നു അദ്ദേഹം. പാര്‍ട്ടി പിളര്‍ന്നപ്പോള്‍ സി.പി.എമ്മിനൊപ്പം നിന്നു. മൂന്നു തവണ എംഎല്‍എയും ഒരു തവണ എംപിയും ആയിരുന്നു.മുഖ്യമന്ത്രിയായിരുന്ന ആര്‍. ശങ്കറിനെതിരെ ജയിലില്‍ കിടന്നു മത്സരിച്ച് ജയിച്ച അനിരുദ്ധനെ ‘ജയന്‍റ് കില്ലര്‍’ എന്നാണ് മാദ്ധ്യമങ്ങൾ വിശേഷിപ്പിച്ചത്
Discussion about this post