മുഖ്യമന്ത്രിയുടെ ഓഫീസിനും പോലീസിനും എതിരെ ഗുരുതര ആരോപണവുമായി ദലിത് യുവതി ബിന്ദു. കള്ളക്കേസില് പോലീസ് പീഡിപ്പിച്ചതിനെതിരെ പരാതി നല്കിയപ്പോള് മുഖ്യമന്ത്രിയുടെഓഫീസിലുള്ളവര് വായിച്ചുപോലും നോക്കിയില്ലെന്ന് ബിന്ദു കുറ്റപ്പെടുത്തി. അഭിഭാഷകനൊപ്പംപോയപ്പോഴായിരുന്നു ഈ ദുരനുഭവമെന്നും ബിന്ദു വെളിപ്പെടുത്തി
മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശി പരാതി മേശപ്പുറത്തേക്കിടുകയായിരുന്നു. മാലകാണാതായാല് വീട്ടുകാര് പരാതി കൊടുക്കും. അപ്പോള് പോലീസ് പിടിക്കും. ഇതൊക്കെകോടതിയിലാണ് പറയേണ്ടതെന്നായിരുന്നു പ്രതികരണം എന്ന് യുവതി പറയുന്നു.
ജോലിക്ക് നിന്ന പേരൂര്ക്കടയിലെ വീട്ടില് നിന്ന് മാല മോഷണം പോയെന്ന പരാതിയിലാണ്ബിന്ദുവിനെ സ്റ്റേഷനില് വിളിച്ചുവരുത്തിയത്. എന്നാല് സ്വര്ണമാല പിന്നീട് വീട്ടില് നിന്ന്ലഭിക്കുകയായിരുന്നു. മാല മോഷ്ടിച്ചില്ലെന്ന് ആവര്ത്തിച്ച് പറഞ്ഞിട്ടും പോലീസുകാരില് നിന്നും 20 മണിക്കൂറോളം നേരം അതിക്രൂരമായ മാനസിക പീഡനമാണ് ഉണ്ടായതെന്ന് യുവതി പറഞ്ഞു.ആഹാരവും വെള്ളവും തന്നില്ല. വെള്ളം ചോദിച്ചപ്പോള് ബാത്ത്റൂമില് പോയി കുടിക്കാനാണ്പറഞ്ഞത്. ജയിലിലാക്കുമെന്നും മക്കളെ കേസില് കുടുക്കുമെന്നും പറഞ്ഞു. പിറ്റേന്ന് രാവിലെ മാലകിട്ടിയെന്ന് വീട്ടുടമസ്ഥ അറിയിച്ചതോടെയാണ് വിട്ടയച്ചത്.
യുവതിയെ 20 മണിക്കൂര് കസ്റ്റഡിയില് മാനസിക പീഡനത്തിനിരയാക്കിയ സംഭവത്തില്തിരുവന്തപുരം കമ്മീഷണര് അടിയന്തര റിപ്പോര്ട്ട് തേടി.
Discussion about this post