റോയൽ ചലഞ്ചേഴ്‌സ് ബെംഗളൂരുവിന്റെ ഇതിഹാസ ബാറ്റ്‌സ്മാൻ വിരാട് കോഹ്‌ലിക്ക് ഒരു ആമുഖവും ആവശ്യമില്ല. പക്ഷേ ടി20യിൽ നിന്നും ടെസ്റ്റ് ക്രിക്കറ്റിൽ നിന്നും വിരമിച്ചതിന് ശേഷം ഇപ്പോൾ ഏകദിനത്തിലും ഐപിഎല്ലിലും മാത്രമാണ് താരം കളിക്കുന്നത്. ഇതിൽ ഏകദിനത്തിൽ താരത്തിന്റെ ഭാവി സംബന്ധിച്ച് പുതിയ അപ്ഡേറ്റ് ഒന്നും ഇല്ലെങ്കിലും ഐപിഎല്ലിൽ നിന്ന് വിരമിക്കുന്നതിനെക്കുറിച്ച് ഒരു വലിയ അപ്ഡേറ്റ് ഇപ്പോൾ വന്നിരിക്കുന്നു.
ഇത് സംബന്ധിച്ച് ആർ‌സി‌ബിയുടെ യുവതാരം സ്വസ്തിക് ചിക്കാര ഒരു വലിയ വെളിപ്പെടുത്തൽ നടത്തിയിട്ടുണ്ട്. റെവ് സ്പോർട്സിന് നൽകിയ അഭിമുഖത്തിൽ, വിരാട് കോഹ്ലി ഒരിക്കൽ തന്നോട് ഇങ്ങനെ പറഞ്ഞതായി ചിക്കാര വെളിപ്പെടുത്തി, “ഒരു ഇംപാക്ട് കളിക്കാരനെപ്പോലെ കളിക്കേണ്ട ദിവസം ഞാൻ ഐപിഎൽ ക്രിക്കറ്റിൽ നിന്ന് വിരമിക്കും.”
ചിക്കാര തുടർന്നു പറഞ്ഞു, “കോഹ്ലി എപ്പോഴും പറയും – എനിക്ക് പൂർണ്ണമായും ഫിറ്റ്നസ് ഉള്ളിടത്തോളം കാലം ഞാൻ ക്രിക്കറ്റ് കളിച്ചുകൊണ്ടിരിക്കും. ഞാൻ ഒരു ഇംപാക്ട് കളിക്കാരനായി കളിക്കില്ല, മറിച്ച് ഒരു സിംഹത്തെപ്പോലെയാണ് കളിക്കുക. ഞാൻ 20 ഓവറുകൾ മുഴുവൻ ഫീൽഡ് ചെയ്യുകയും പിന്നീട് ബാറ്റ് ചെയ്യുകയും ചെയ്യും. ഒരു ഇംപാക്ട് കളിക്കാരനായി കളിക്കേണ്ടി വരുമ്പോൾ, ഞാൻ വിരമിക്കും.”
എന്തയാലും അങ്ങനെ ഒരു ഇമ്പാക്ട് പ്ലെയർ ആയി കോഹ്ലി ഇറങ്ങുന്ന ദിവസം ഉടനെ ഒന്നും വരില്ല എന്ന് തന്നെയാണ് കരുതപ്പെടുന്നത്.
Discussion about this post