എല്ലാം തകർന്നിരുന്ന സമയത്ത് ആ കോൾ വന്നു, അപ്പോൾ ഒരു നൈറ്റ് ക്ലബ്ബിൽ ആയിരുന്നു; വമ്പൻ വെളിപ്പെടുത്തൽ നടത്തി ക്രിസ് ഗെയ്ൽ

2011 ൽ റോയൽ ചലഞ്ചേഴ്‌സ് ബെംഗളൂരുവിൽ ചേരാൻ തന്നെ ടീം സമീപിച്ചത് എങ്ങനെയെന്ന് മുൻ വെസ്റ്റ് ഇൻഡീസ് താരവും ഐപിഎൽ ഇതിഹാസവുമായ ക്രിസ് ഗെയ്ൽ അടുത്തിടെ വെളിപ്പെടുത്തി. അന്താരാഷ്ട്ര ക്രിക്കറ്റിലും ഫ്രാഞ്ചൈസി ക്രിക്കറ്റിലും ബൗളർമാരുടെ ഏറ്റവും വലിയ പേടിസ്വപ്നങ്ങളിൽ ഒരാളായാണ് ഗെയ്ൽ അറിയപ്പെട്ടിരുന്നത്. വെസ്റ്റ് ഇൻഡീസിനായി 483 അന്താരാഷ്ട്ര മത്സരങ്ങൾ കളിച്ച അദ്ദേഹം മൂന്ന് ഫോർമാറ്റുകളിലുമായി 42 സെഞ്ച്വറികൾ ഉൾപ്പെടെ 19,594 റൺസ് നേടിയിട്ടുണ്ട്. എന്നിരുന്നാലും, ടി20 ലീഗിന്റെ ചരിത്രത്തിലെ ഏറ്റവും അവിസ്മരണീയമായ അധ്യായങ്ങളിലൊന്നായി ഐപിഎല്ലിൽ ആർസിബിക്ക് വേണ്ടി അദ്ദേഹം നൽകിയ സംഭാവനകൾ തീർച്ചയായും നിലനിൽക്കും.

2009-ൽ കൊൽക്കത്ത നൈറ്റ് റൈഡേഴ്‌സിലൂടെയാണ് ഗെയ്‌ലിന്റെ ഐപിഎൽ യാത്ര ആരംഭിച്ചത്. രണ്ട് സീസണുകൾ കൊൽക്കത്ത നൈറ്റ് റൈഡേഴ്‌സിൽ കളിച്ചതിന് ശേഷം, ഫ്രാഞ്ചൈസി അദ്ദേഹത്തെ ഒഴിവാക്കി. അതിശയകരമെന്നു പറയട്ടെ, 2011 ലെ മെഗാ ലേലത്തിൽ അദ്ദേഹം വിൽക്കപ്പെടാതെ പോയി.

എന്നിരുന്നാലും, വിധിക്ക് മറ്റ് പദ്ധതികളുണ്ടായിരുന്നു, ശേഷം സംഭവിച്ചത് ഐപിഎൽ കണ്ട ഏറ്റവും വലിയ മാസ് തിരിച്ചുവരവാണ്. സീസണിന്റെ തുടക്കത്തിൽ, ആർ‌സി‌ബിക്ക് ഡിർക്ക് നാനെസിന്റെ പരിക്കിന്റെ രൂപത്തിൽ തിരിച്ചടി കിട്ടിയത്. അപ്പോഴാണ് ബെംഗളൂരു ഗെയ്‌ലിനെ സമീപിച്ചത്. കോൾ ലഭിച്ച നിമിഷത്തെക്കുറിച്ച് സംസാരിക്കുമ്പോൾ, ശുഭങ്കർ മിശ്രയുടെ പോഡ്‌കാസ്റ്റിൽ ഗെയ്ൽ പറഞ്ഞു, “2011-ൽ എനിക്ക് ആ കോൾ വന്നപ്പോൾ, ഞാൻ ജമൈക്കയിലെ ഒരു നൈറ്റ്ക്ലബ്ബിലായിരുന്നു. വെസ്റ്റ് ഇൻഡീസ് ക്രിക്കറ്റുമായുള്ള ബന്ധം തകർന്നതിനാൽ ഞാൻ സങ്കടത്തിൽ ആയിരുന്നു. ലോകകപ്പ് തോൽവിയിൽ നിന്ന് വന്ന ശേഷം ഒരു പരിക്കും സംഭവിച്ചു. ഞാൻ വളരെ നിരാശനായിരുന്നു. ചുരുക്കത്തിൽ, ഞാൻ ഒരു നൈറ്റ്ക്ലബ്ബിലായിരുന്നു, ആ സമയത്ത്, ഞാൻ ഒരു ക്രിക്കറ്റ് കളിച്ചിരുന്നില്ല.

“എനിക്ക് അപ്പോൾ ആ കോൾ വന്നു. അത് വിജയ് മല്യയും അനിൽ കുംബ്ലെയുമായിരുന്നു. ഞാൻ പൂർണ ഫിറ്റ് ആണോ എന്ന് അവർ എന്നോട് ചോദിച്ചു. “അതെ, ഞാൻ ഫിറ്റ്നസ് ആണ്”. മറുപടി പറഞ്ഞു, ‘നിങ്ങൾ ഫിറ്റ്നസാണെങ്കിൽ, നാളെ എംബസിയിൽ പോയി വിസ എടുക്കുക.’ പക്ഷേ നാളെ ശനിയാഴ്ചയാണെന്ന് ഞാൻ പറഞ്ഞു. അവർ പറഞ്ഞു, ‘അതിനെക്കുറിച്ച് വിഷമിക്കേണ്ട. വന്നാൽ മതി.’ ഞാൻ പിറ്റേന്ന് എത്തി, വിസ എടുത്തു, പിന്നെ വിമാനത്തിൽ കയറി, അതോടെ കരിയറിൽ മാറ്റം വന്നു” അദ്ദേഹം കൂട്ടിച്ചേർത്തു.

ഐപിഎൽ 2011 ഗെയ്ലിന് മറക്കാനാവാത്ത ഒന്നായി മാറി, 12 മത്സരങ്ങളിൽ നിന്ന് രണ്ട് സെഞ്ച്വറികൾ ഉൾപ്പെടെ 608 റൺസ് നേടി. 2011 സീസണിലെ ഏറ്റവും ഉയർന്ന റൺ സ്കോററായി അദ്ദേഹം മാറി, അവിടെ ആർ‌സി‌ബി ടൂർണമെന്റിൽ റണ്ണേഴ്‌സ് അപ്പായി.