സ്വന്തം നാട്ടിൽ ടെസ്റ്റിലെ ടെസ്റ്റിൽ എല്ലാം മികച്ച റെക്കോഡുള്ള മുൻ ഇന്ത്യൻ നായകന്മാരായ വിരാട് കോഹ്‌ലിയെയും എംഎസ് ധോണിയെയും മുൻ താരം മുഹമ്മദ് കൈഫ് പ്രശംസിച്ചു. ഒരു വർഷത്തിനിടെ രണ്ടാം തവണയും ഇന്ത്യ ഹോം പരമ്പരയിൽ വൈറ്റ് വാഷയോടെ, രാജ്യത്തെ ഏറ്റവും വിജയിച്ച ടെസ്റ്റ് നായകനായ കോഹ്‌ലി, ഫോർമാറ്റിൽ തന്റെ മുൻഗാമിയേക്കാൾ ഒരു പടി മുന്നിലാണെന്ന് കൈഫ് പറഞ്ഞു.
2014 മുതൽ 2022 വരെ 68 ടെസ്റ്റുകളിൽ ഇന്ത്യയെ നയിച്ച കോഹ്‌ലി 40 മത്സരങ്ങളിൽ ടീമിനെ ജയിപ്പിച്ചു. ആ കാലയളവിൽ ഒരു ഹോം പരമ്പര പോലും ടീം തോറ്റില്ല. ഓസ്‌ട്രേലിയയിൽ പരമ്പര വിജയം നേടുന്ന ആദ്യ ഇന്ത്യൻ നായകനായി കോഹ്‌ലി ഈ കാലയളവിൽ മാറുകയും ചെയ്തു. ഇന്ത്യ തുടർച്ചയായ 2 ടെസ്റ്റുകൾ സ്വന്തം മണ്ണിൽ പരാജയപെട്ടതിന് പിന്നാലെയാണ് കൈഫ് അഭിപ്രായം പറഞ്ഞത്.
“എം.എസ്. ധോണിയേക്കാൾ ഒരു പടി മുന്നിലാണ് വിരാട് കോഹ്‌ലി. ഇന്ത്യ പ്രതിസന്ധിയിലായപ്പോൾ, അദ്ദേഹത്തിന്റെ ആക്രമണോത്സുകത വേറിട്ടു നിന്നു, കളിക്കാരോട് 20 വിക്കറ്റുകൾ വീഴ്ത്താൻ കളിക്കുക, അല്ലെങ്കിൽ ഗ്രൗണ്ടിലേക്ക് വരരുത് എന്ന് അവൻ പറഞ്ഞു. കളിക്കാർക്കുള്ള അദ്ദേഹത്തിന്റെ സന്ദേശം അതായിരുന്നു. കോഹ്‌ലിയുടെ കീഴിൽ ഏഴ് വർഷത്തിനിടെ 31 മത്സരങ്ങളിൽ ഇന്ത്യ രണ്ട് ടെസ്റ്റുകൾ മാത്രമാണ് തോറ്റത്. അദ്ദേഹത്തിന്റെ മുദ്രാവാക്യം സന്തുലിതാവസ്ഥ നിലനിർത്തുകയും പേസ് ബൗളർമാരെ പൂർണ്ണമായും പിന്തുണയ്ക്കുകയും ചെയ്യുക എന്നതായിരുന്നു. വിദേശത്ത് പേസർമാരെ അദ്ദേഹം പൂർണ്ണമായും പിന്തുണച്ചു, പക്ഷേ നാട്ടിൽ പോലും അദ്ദേഹം ജസ്പ്രീത് ബുംറ, മുഹമ്മദ് ഷാമി, ഇഷാന്ത് ശർമ്മ എന്നിവരെ ഉപയോഗിച്ചു. എതിരാളികൾക്ക് അനുസൃതമായി അദ്ദേഹം പദ്ധതികൾ തയ്യാറാക്കി.”
“ഉദാഹരണത്തിന്, അഫ്ഗാനിസ്ഥാൻ വന്നാൽ, പേസ് ബൗളർമാരെ ഉപയോഗിക്കും. കോഹ്‌ലി ക്യാപ്റ്റനായിരുന്നപ്പോൾ ദക്ഷിണാഫ്രിക്ക മുമ്പ് പര്യടനം നടത്തിയിരുന്നു. ഇന്ത്യ അവർക്ക് ഒരു ഇഞ്ച് പോലും നൽകിയില്ല, സൗത്താഫ്രിക്ക അവിടെ വളരെ മോശമായി തോറ്റു. സാഹചര്യങ്ങൾ സ്പിന്നർമാരെ അനുകൂലിച്ചപ്പോൾ, സ്പിന്നർമാരെ ഉപയോഗിച്ച് അദ്ദേഹം അത് നന്നായി മുതലെടുത്തു. അതായിരുന്നു കോഹ്‌ലിയുടെ പ്രത്യേകത – സാഹചര്യങ്ങൾക്കനുസരിച്ച് സ്പിന്നർമാരെയും പേസർമാരെയും പിന്തുണയ്ക്കുക. ധോണിയും ഇതുപോലെ ആയിരുന്നു. അതുകൊണ്ടാണ് രണ്ട് കളിക്കാരും മികച്ച ക്യാപ്റ്റന്മാരായത്,” കൈഫ് പറഞ്ഞു.
ടെസ്റ്റ് ക്രിക്കറ്റിൽ നിന്ന് കോഹ്‌ലി വിരമിച്ചത് ഇന്ത്യക്ക് വലിയ ആയെന്ന് വിശ്വസിക്കുന്നവർ ഏറെയാണ്.
Discussion about this post