1988-ൽ പുറത്തിറങ്ങിയ പ്രിയദർശൻ സംവിധാനം ചെയ്ത മോഹൻലാൽ, നെടുമുടി വേണു, ശ്രീനിവാസൻ, എംജി സോമൻ തുടങ്ങിയവർ പ്രധാനവേഷത്തിൽ അഭിനയിച്ച സിനിമയായിരുന്നു ചിത്രം. മലയാളത്തിലെ ജനപ്രീതിനേടിയ നേടിയ ചിത്രങ്ങളിൽ മുന്നിൽ ഉള്ള ഈ മോഹൻലാൽ ചിത്രം മലയാളത്തിലെ ഏറ്റവും വലിയ ഹിറ്റുകളിൽ ഒന്നാണ്.
അമേരിക്കയിൽ സ്ഥിരതാമസക്കാരമായ സമ്പന്നൻ രാമചന്ദ്രമേനോന്റെ മകളായ കല്യാണിക്ക് ഒരു ചെറുപ്പക്കാരനെ ഇഷ്ടമാണ്. പിതാവ് വർഷങ്ങളായി അമേരിക്കയിൽ ഉള്ള കല്യാണിയെ വളർത്തുന്നത് പിതാവിന്റെ സുഹൃത്തും വക്കീലുമായ കൈമൾ ആണ്. കല്യാണിക്ക് ഒരു ഇഷ്ടം ഉണ്ടെന്ന് കേട്ടപ്പോൾ അസ്വസ്ഥനായ രാമചന്ദ്രൻ വിവാഹത്തിന് സമ്മതിക്കുന്നില്ല. വിവാഹം തന്റെ സമ്മതമില്ലാതെ കഴിച്ചാൽ സ്വത്തിൽ ഒരു പങ്കും നൽകില്ല എന്നും പിതാവ് അറിയിക്കുന്നു. സ്വത്തിൽ ഇല്ലാത്ത പെണ്ണിനെ വേണ്ട എന്ന് പറഞ്ഞ് കാമുകൻ കല്യാണിയെ ഉപേക്ഷിച്ച് പോകുകയും ചെയ്യുന്നു. ഇതിനിടയിലാണ് മകളുടെ ഇഷ്ടമാണ് ഏറ്റവും വലുത് എന്ന് പറഞ്ഞ് രാമചന്ദ്രൻ വിവാഹത്തിന് സമ്മതിക്കുന്നതും മകളോടും മരുമകനോടും ഒപ്പം ഒഴിവുകാലം ആഘോഷിക്കാൻ വരുന്നത് കത്തിലൂടെ അറിയിക്കുകയും ചെയ്തു.
പിതാവിന്റെ കത്ത് വന്ന സാഹചര്യത്തിൽ തത്ക്കാലം ഒരു വാടക ഭർത്താവിനെ ഒപ്പം കൂട്ടി ഈ ഒഴിവുകാലം ആഘോഷിക്കാൻ വരുന്ന പിതാവിനെ സന്തോഷിച്ച് യാത്രയാക്കാൻ കൈമൾ നിർബന്ധിച്ചിട്ട് വിഷ്ണു വാടക ഭർത്താവിന്റെ വേഷം കെട്ടുന്നു. തുടക്കത്തിൽ കല്യാണിയുമായി ഉടക്ക് ആണെങ്കിലും പയ്യെ പയ്യെ ഇവർ തമ്മിൽ അടുക്കുന്നു. അതിനിടയിലാണ് വിഷ്ണു വധശിക്ഷ കാത്തുകിടക്കുന്ന ആൾ ആയിരുന്നു എന്നും ജയിൽ ചാടിയത് ആണെന്നും കല്യാണിയും കൈമളും ഒകെ അറിയുന്നു. ഈ വിവരം ഒന്നും പിതാവിനെ അറിയിക്കാതെ അയാൾ യാത്രയാകുന്ന ദിവസം വരെ തന്നെ തുടരാൻ അനുവദിക്കണം എന്നും വിഷ്ണു ജയിൽ സൂപ്രണ്ട് എംജി സോമനോട് അഭ്യർത്ഥിക്കുന്നു.
എന്തായാലും വിഷ്ണുവിന്റെ അവസാന ആഗ്രഹം എന്നോണം സോമൻ അത് അംഗീകരിക്കുന്നു. രാമചന്ദ്രൻ അമേരിക്കയിലേക്ക് തിരികെ പോകുന്നതിന്റെ തലേന്ന് മനോഹരമായ ഒരു രാത്രി വിഷ്ണു അദ്ദേഹത്തിന് സമ്മാനിക്കുന്നു. ” സ്വാമിനാഥ” എന്ന പാട്ടിലൂടെ വിഷ്ണു തകർത്താടുമ്പോൾ ആ സീൻ ലെ ഓരോ അഭിനയതാകളുടെയും ഭാവങ്ങളിൽ നിന്ന് നമുക്ക് എല്ലാവരുടെയും വികാരങ്ങൾ മനസിലാകുന്നു. മുന്നിൽ ഇരുന്നു പാടുന്ന മനുഷ്യൻ ദിവസങ്ങൾക്കുള്ളിൽ മരിക്കാൻ പോകുന്നു. ആ സത്യം വളരെ നേരത്തെ അവർ അറിയുന്നു. അത്തരം ഒരു സാഹചര്യത്തിൽ നിൽക്കുന്ന വിഷ്ണു പാടുമ്പോൾ ഒരു അമ്മയുടെ മുഴുവൻ വാത്സല്യം ആ സീനിൽ സുകുമാരിയുടെ മുഖഭാവത്തിലും തന്റെ ശത്രുത എല്ലാം മറന്ന് വിഷ്ണുവിന്റെ അവസ്ഥയിൽ സങ്കടപ്പെടുന്ന ശ്രീനിവാസനെയും ഒകെ നമുക്ക് കാണാം.
എന്തായാലും വിഷ്ണു സോമനോട് ചോദിക്കുന്ന ഒരു ഡയലോഗുണ്ട്” ജീവിക്കാൻ ഒരു മോഹം തോന്നുന്നത് കൊണ്ട് ചോദിക്കുകയാണ്, എന്നെ കൊല്ലാതിരിക്കാൻ പറ്റുമോ? വിഷ്ണുവിനെ ഒരുപാട് ഇഷ്ടമാണെങ്കിലും തനിക്ക് ഒന്നും ചെയ്യാൻ നിർവാഹം ഇല്ല എന്ന് ഡയലോഗ് ഇല്ലാത്തപ്പോൾ തന്നെ സോമൻ തന്റെ മുഖാവത്തിലൂടെ കാണിക്കുന്നു. ഒടുവിൽ മനസ് നിറഞ്ഞ് മക്കളെ അനുഗ്രഹിച്ച് രാമചന്ദ്രൻ മടങ്ങുമ്പോൾ എല്ലാവരോടും യാത്ര പറഞ്ഞ് വിഷ്ണുവും വീടിനോട് വിടപറയുന്നു. വിഷ്ണുവിന്റെ യാത്ര പറച്ചിലും കല്യാണിയുടെ നിസ്സഹായാവസ്ഥയുമൊക്കെ ചേരുമ്പോൾ ക്ളൈമാക്സ് വേറെ ലെവലാകുന്നു.
ചിത്രത്തിൽ ഏറെ തിരച്ചിലുകൾക്ക് ഒടുവിൽ മോഹൻലാൽ കഥാപാത്രത്തെ സോമൻ കണ്ടെത്തുന്ന ഒരു രംഗമുണ്ട്. അവിടെ സോമനെ കണ്ട ഉടൻ മോഹൻലാൽ ഓടുമ്പോൾ സോമൻ കഥാപാത്രവും ശരവേഗത്തിൽ അയാളെ പിന്തുടരുന്നു. ആ സമയത്ത് സോമൻ മോഹനനലിന്റെ പിന്നാലെ ഓടുന്ന ഷോട്ടിൽ കാണുന്നത് അയാളുടെ കാലുകളാണ്. പ്രിയദർശൻ നമ്മളെ പറ്റിച്ച ഒരു രംഗമായിരുന്നു അത്. കാരണം ആ രംഗത്തിൽ സോമന് പകരം മോഹൻലാലിനെ പിന്തുടരുന്നത് ജഗദീഷ് ആയിരുന്നു. ജഗദീഷിന്റെ കാലുകളാണ് ആ രംഗത്തിൽ പ്രിയൻ ഉപയോഗിക്കുന്നത്.
ഒരുപക്ഷെ സോമന് എന്തെങ്കിലും ആരോഗ്യപ്രശ്നങ്ങൾ ഉള്ളതുകൊണ്ടാകാം ഇങ്ങനെ ചെയ്തത്.
Discussion about this post