മൊഹാലി: ട്വന്റി -20 ലോകകപ്പിലെ നിര്‍ണായക മത്സരത്തില്‍ ഇന്ത്യ, ഇന്നു ഓസ്‌ട്രേലിയയെ നേരിടും. ഇരുടീമിനെയും സംബന്ധിച്ച് ഇതു ക്വാര്‍ട്ടര്‍ ഫൈനലാണ്. ജയിക്കുന്ന ടീം സെമിയില്‍ കടക്കും. മൂന്നു മത്സരങ്ങളില്‍നിന്ന് ഇരുടീമിനും നാലു പോയിന്റ് വീതമാണുള്ളത്. റണ്‍റേറ്റില്‍ ഓസ്‌ട്രേലിയയാണ് രണ്ടാമതെങ്കിലും ഈ മത്സരത്തില്‍ റണ്‍റേറ്റ് പ്രസക്തമല്ല. മഴമൂലം മത്സരം തടസപ്പെട്ടാല്‍ ഓസ്‌ട്രേലിയയാകും ന്യൂസിലന്‍ഡിനൊപ്പം ഗ്രൂപ്പില്‍നിന്നു സെമിയിലെത്തുക.
ആദ്യമത്സരത്തില്‍ത്തന്നെ ന്യൂസിലന്‍ഡിനോടു പരാജയപ്പെട്ടതാണ് ഇന്ത്യയ്ക്ക് തിരിച്ചടിയായത്. പിന്നീടുള്ള മത്സരങ്ങളില്‍ പാക്കിസ്ഥാനെയും ബംഗ്ലാദേശിനെയും ഇന്ത്യ പരാജയപ്പെടുത്തിഓസ്‌ട്രേലിയയാകട്ടെ, പാക്കിസ്ഥാനെയും ബംഗ്ലാദേശിനെയും തകര്‍ത്തു തരിപ്പണമാക്കിയപ്പോള്‍ ന്യൂസിലന്‍ഡിനോടു പരാജയപ്പെട്ടു.
Discussion about this post