മലയാളത്തിലെ ഏറ്റവും വലിയ ‘ആൾമാറാട്ട’ കഥകളിലൊന്നായ ‘മഴ പെയ്യുന്നു മദ്ദളം കൊട്ടുന്നു കാണാത്ത മലയാളികൾ ഉണ്ടാകില്ല. അമേരിക്കയിൽ നിന്ന് ബിസിനസ്സ് പഠനം കഴിഞ്ഞ് നാട്ടിലെത്തുന്ന മാധവൻ (ശ്രീനിവാസൻ) വലിയൊരു ബുദ്ധിമാൻ എന്ന് സ്വയം വിശ്വസിക്കുന്ന ആളാണ്. തന്നെ വിവാഹം കഴിക്കാൻ പോകുന്ന പെണ്ണിന്റെയും (ശോഭ – ലിസി) അവളുടെ അച്ഛന്റെയും (ജഗതി) യഥാർത്ഥ സ്വഭാവം അറിയാൻ മാധവൻ ഒരു ബുദ്ധി പ്രയോഗിക്കുന്നു. തന്റെ വിശ്വസ്തനായ ഡ്രൈവർ ശംഭുവിനെ (മോഹൻലാൽ) ‘അമേരിക്കൻ മാധവനാക്കി’ മാറ്റുകയും താൻ ഒരു പാവം ഡ്രൈവറായി മാറുകയും ചെയ്യുന്നു. എന്നാൽ ആ വീട്ടിലേക്കുള്ള യാത്രയിൽ പ്ലാനിൽ മാറ്റം സംഭവിക്കുന്നു.
ദരിദ്രനായ ശംഭു, മുതലാളിയുടെ നിർബന്ധം കാരണം വേഷം കെട്ടുന്നു. ശംഭുവിന്റെ ഓരോ ചലനവും സംസാരവും കണ്ട് ശോഭയുടെ അച്ഛൻ കൃഷ്ണക്കുറുപ്പ് വല്ലാതെ ആകൃഷ്ടനാകുന്നു. ശംഭുവിന് ശോഭയെ ഇഷ്ടമാകുന്നു, തിരിച്ച് ശോഭയ്ക്ക് ശംഭുവിനെയും. അതിനിടയിൽ ശോഭയുടെ അച്ഛന്റെ ശത്രുവായ കോമ കുറുപ്പിന്റെ വീട്ടിലും മറ്റൊരു ആൾമാറാട്ടം നടക്കുന്നുണ്ട്.
കോമ കുറുപ്പിനെ കൊന്ന് അയാളുടെ സ്വത്തുക്കൾ അടിച്ചെടുക്കാൻ ശ്രമിക്കുന്ന അദ്ദേഹത്തിന്റെ വക്കീലായ ദാമുവിന്റെ അനിയൻ, എന്ന പേരിൽ അവിടെയെത്തുന്ന മുകേഷ് അവതരിപ്പിക്കുന്ന ശിവൻ എന്ന കഥാപാത്രം കോമ കുറുപ്പിന്റെ മകളെ സ്നേഹിക്കുന്നു. തിരിച്ച് അവൾക്കും ആ സ്നേഹം ഉണ്ടാകുന്നു.
ഈ 2 ആൾമാറാട്ടങ്ങളുടെയും അവസാനം എന്താണ് സംഭവിക്കുന്നത് എന്നാണ് 1986 ൽ പുറത്തിറങ്ങിയ ഈ പ്രിയദർശൻ ചിത്രം സംസാരിക്കുന്നത്. മോഹൻലാൽ, ശ്രീനിവാസൻ, ജഗതി, മുകേഷ്, കുതിരവട്ടം പപ്പു, ഉൾപ്പടെ ഒരു വൻ താരനിര അവതരിപ്പിച്ച ചിത്രത്തിൽ മമ്മൂട്ടിയുടെ അതിഥി വേഷവും ഉണ്ട്.
ഈ ചിത്രം കാണാത്ത ആൾ ആണ് നിങ്ങളെങ്കിൽ യാതൊരു സമ്മർദ്ദവും ഇല്ലാതെ കാണാൻ പറ്റിയ ഈ ചിത്രം കാണാൻ ശ്രദ്ധിക്കുക.
Discussion about this post